برینا ئه‌ردوگانیزمێ بقورولیته‌یا قه‌نیل تیمار نابیتن...!!
.gif "برینا ئه‌ردوگانیزمێ بقورولیته‌یا قه‌نیل تیمار نابیتن...!!")
2019-06-13 13:50:18
سەید ئەكرەم
ئه‌ردوگان ژ روبیشته و به‌رباكه‌كێ شێل و بێل سواری كورسیه‌كا سه‌خته‌بو! جار میربو جاران ژی فه‌قیر، دناڤ و ناڤه‌روكا خوه‌دا، ئیخوانیه‌كێ برسی و ته‌ماعێ كورسیكه‌كا غه‌دار و پاش گه‌نار بوو! دخوه‌دا هه‌لامه‌تێ غازییه‌كێ مه‌نغولی و هه‌لگرێ ئالایێ خیلافه‌تا ئوسمانلی و تورانیه‌ت په‌رست بو! سه‌رێ وی شه‌ما بو، بو ده‌ستهه‌لاتێ خوه دسوت و بو پاره و سه‌رومالێ گشتی، رۆژێ چار ركعه‌ت نڤێژ دكرن، بو دسه‌ردابرنێ رۆڤیه‌كێ فێلباز و بو كورسیكێ هرچه‌كێ نه‌لڤ بوو! خودبێن وی، ل سه‌ر مافێ مروڤ و دیموكراسیه‌ت و ئازادی و دادوه‌ریا جڤاكی و ئابوری بوون، كریارێن وی وه‌حشه‌گه‌ریه‌كا گورگانه بوو، هه‌رده‌م دچوو، وی ده‌ستهه‌لاتا خوه‌یا كه‌سی و بنه‌مالی موكوم دكر و سسته‌مێ ده‌وله‌تێ به‌رته‌نگ و سڤك دكر، سازی و دام و ده‌زگه‌هێن سڤیل و مه‌ده‌نی، ره‌ڤده‌كا حه‌فتیارێن برسی به‌ردانێ، هه‌ر روژ بده‌هان و بگره بسه‌دان سازیێن سڤیل و ده‌زگه‌هێن راگه‌هندكاریێن مه‌ده‌نی داد ئێخستن و كه‌ساتی و سیاسیێن ئازاد و وێره‌ك زیندان دكرن، بسه‌دان هزار كه‌ساتیێن به‌رهنگار ئێخستن ناڤا زیندانان و ب سه‌دان هزارێن دی ژ سه‌ركاری ده‌ركرن و مالباتێن وان بێ مه‌عاش و بێ كار هێلان، بهه‌زاره‌ها كه‌ساتیێن دی ژ زولم و غه‌زه‌با وی ره‌ڤین و ده‌ربه‌ده‌ری ئه‌وروپا و دونیا ده‌رڤه‌یی بوون، بهندێ ژی نه‌راوه‌ستیا، بسه‌دان رێكخستنێن تیرورستی مه‌شق و پرچه‌ك كرن و به‌رده‌نا ناڤا وه‌لاتێن ده‌روجیرانێن خوه وه‌كی(عێراق، سوریا، لیبیا، یه‌مه‌ن...)، ئه‌ردوغان بو سولتانێ تیرورێ و ده‌ستهه‌لاتا وی بو خودان كه‌ری و جه‌له‌بێن رێكخستنێن تێرم داعشی...غه‌زه‌ب و ئاگرێ زولما وی ل زور ده‌وله‌ت و جهێن جیهانی ئالزی و ئاریا، نه‌خاسم ل عێراق، سوریه، لیبیا، یه‌مه‌ن و بده‌هان جهێن دی، خه‌ونا وی یا ساخ كرنا زه‌لامێ مریێ سولتانێ عوسمانلی و خیلافه‌تا ئیسلامی، وه‌كی شه‌واته‌كێ به‌ربویه ده‌روجیرانێن وی...ژئه‌نجامێ ڤان كار و كریارێن وان، یێن نه‌مروڤایه‌تی، ده‌ستهه‌لاتا ئه‌ردوگانی توشی ئارێشێن سیاسی و ئابوری و له‌شكه‌ری بویه دگه‌ل زوربه‌یا ده‌وله‌تێن جیهانێ، نه‌خاسم دگه‌ل ئه‌وروپا بگشتی، دگه‌ل ئه‌مریكا، روسیا، ئیتالیا، یونان، وه‌لاتێن عه‌ره‌بی بگشتی...ژبلی وێ لناڤ خوه‌یا توركیا ژبلی ئارێشێن وی دگه‌ل كوردان، دگه‌ل جه‌ماعه‌تێن فه‌تحولاهی و عه‌دنان ئوكتایی...توشی شكستنه‌كا سیاسی و ئیداری و ئابوریا مه‌زن بویه، لیرێ توركیا ب بره‌كا زور دابه‌زیه و بازارێ وان زور كێم بویه، ل دوماهیك هه‌لبژارتنێن به‌له‌دیان، رێژه‌یا ده‌نگێن وان زور دابه‌زیه و ل هه‌رئێكێ ژباژێرێ(ئه‌نقه‌ره، سته‌مبول، ئه‌زمیر، ئه‌ده‌نه، مێرسین...)، توشی شكه‌ستنه‌كا زور مه‌زن بویه، هه‌رچه‌نده بریاره هه‌لبژارتنێن باژێرێ سته‌مبولێ دووباره بكه‌ن، لێ دهێتن چاڤه‌رێ كرن، شكه‌ستنا وان ببیتن دوو قات و سێ قاتی، ئه‌ڤ ئه‌ردوگانێ سه‌رهشك و زالم، ژبلی دانپێدانا شكه‌ستنا خوه ناكه‌تن..رۆژ بو روژێ هێرشێن خوه ل كوردستان و بنه‌خاسمه‌یی ل سه‌ر كوردستانیا( ل باشور و روژئاڤا) زێده و به‌رفرهه‌ترێ دكه‌تن، سنورێن خوه دگه‌ل عێراقێ(نه‌خاسم قه‌ندیل و هێلا سنوری ژ بارزان و سوران بو مه‌تین و گاره‌ی و خامتویری و گوند و ده‌ڤه‌رێن ڤان هه‌رێمان، بره‌نگه‌كێ هوڤ و بكولاتیه‌كا نه‌یارتیا مه‌زن، ئێخستینه ناڤا هێرش، دده‌تن به‌ر هێرشێن توپ و فروكه و تانك و ساروخێن خوه، بسه‌دان گوند دڤێ ئه‌گه‌رێ دا هاتینه چول و وێران كرن، رۆژانه شه‌هید و بریندارێن هاوولاتی و سڤیل هه‌نه، مه‌رو و مالات دهێتن كوشتن، خانی و زه‌ڤی و باغ و بیستان دشه‌وتن و وێران دبن، ژیان ل خه‌لكێ مه كریه به‌لا و ده‌رده‌سه‌ری، تاكو ل ڤێ دوماهیكێ بنگه‌هێن قه‌زا و ناحیان ژ دوژمنكاریا ده‌وله‌تا توركی رزگار نابن، ده‌ستهه‌لاتا عێراقێ و هه‌رێمێ، حزب و لایه‌نێن سیاسی، بێ ده‌نگن و ل ئاستێ كاره‌ساتا هه‌یی ده‌نگێ خوه بلند ناكه‌ن، ئه‌ڤ به‌رپرسیاریه‌كا دێروكی و مروڤاتیه، كه‌سانێن مه دهێنه قه‌تل و عام كرن، گازی دكه‌ینه لایه‌نێن به‌رپرس و نه‌خاسم هه‌رسێ سه‌روكاتیێن هه‌رێمێ(په‌رله‌مان، جڤاتا وه‌زیران، سه‌روكاتیا هه‌رێمێ) برولێ خوه‌یێ مروڤایه‌تی و نیشتیمانی و ئه‌خلاقی رابن و ئێدی ده‌رفه‌تێ نه‌ده‌ن ئه‌ڤ هه‌می زێده‌گاڤی و گونه‌هباریه ل سه‌ر ئاخا هه‌وه بهێنه كرن، هاوولاتیێن وه بلا به‌س ڤان قوربانیێن مه‌زن بو ده‌وله‌ته‌كا داگیر كه‌ر و تورانی بده‌ن، ئه‌ردوغانی و حزبا وی شكه‌ستن خاریه، دخازیتن شكه‌ستنا خوه ل سه‌ر به‌ده‌نا ئاخا مه، بخوین و بهایێن خه‌لكێ مه تیمار بكه‌ن...له‌ومان یافه‌ره و ئه‌ركه‌كێ ئه‌خلاقی و نیشتیمانیه، دوماهیكێ بڤێ دوژمنكاریێ بینن و خوژ به‌رپرسیاریا داگیر كاری و گونه‌ها خوینا خه‌لكێ خوه قورتال بكه‌ن و سنوره‌كی بو دوژمنكاریا ئاكه‌پ و ئه‌ردوگانی بینن.
.gif)
.gif)
.jpg)
.jpg)
.jpg)
.jpg)
.jpg)
