هەواڵ
دۆسیەیی نەوت
دامەزراوەی میدیایی درەو لە 1/2/2026 تا 1/2/2029 فەندی رێكخراوی (NED)ی بۆ نوێكراوەتەوە.
بڵاوکراوەتەوە لە : 29 کانوونی دووەم 2022
قەبارەی دەقەکان
قەبارەی دەقەکان
درەو:
(دامەزراوەی میدیایی درەو ) بە پاڵپشتی دارایی سندوقی نیشتمانی ئەمریكا بۆ دیموكراستی(NED) كارەكانی رایی دەكات، ئەم پاڵپشتییە داراییە بەكاردەهێنێت بۆ گەشەپێدانی ماڵپەڕەكەی بە هەرسێ زمانی (كوردی، عەرەبی، ئینگلیزی)و (گفتوگۆی درەو) و (راپرسی درەو) و (خەرمانی درەو) گرافیك و راپۆرت و كارە رۆژنامەوانییەكانی.
سندوقی نیشتمانی ئەمریكا بۆ دیموكراسی كە بە (NED) ناسراوەو بارەگا سەرەكییەكەی لە واشنتۆنە قەندی رێكخراوو دامەزراوە میدیاییە ئازادی و ئەهلییەكان دەكات، لە ساڵی 2023 ەوە فەندی (دامەزراوەی میدیایی درەو) دەكات.
لە (1/2/2026) بۆ (31/1/2029) بۆ ماوەی سێ ساڵ قەندەكەی بۆ دامەزراوەی میدیایی درەو نوێكردووەتەوە ساڵانە بە بڕی (35) هەزار دۆلا.
(درەو) خۆشحاڵە، لەرێگەی وەرگرتنی ئەم پاڵپشتییەی (NED)ەوە، بۆ دامەزراوەكانی درەوەو ناوەوەی كوردستانی سەلماندووە، میدیایەكی (ئازاد، سەربەخۆ، بێلایەنە)و لەم تاقیكردنەوەیەشدا لەلای رێكخراوێكی نێودەوڵەتی وەكو (سندوقی نیشتمانی ئەمریكا)وە بەسەركەوتوویی هاتوەتە دەرەوە.
پاڵپشتی دارایی (سندوقی نیشتمانی ئەمریكا بۆ دیموكراتی) بەشێوەیەكی شەفاف بەڕێوەدەچێتو وەكو هەموو ئەو دامەزراوانەی تری عێراقو هەرێمی كوردستان كە پاڵپشتییەكەیان وەرگرتووە، (درەو) دەخاتە ژێر چاودێری شەفافیەتەوە لەسەر ئاستی كۆنگرێسی ئەمریكا، ئەمەش (درەو) زیاتر بەرەو دامەزراوەیبوون دەبات.
ئێستاو دوای وەرگرتنی پشتیوانی دارایی (سندوقی نیشتمانی ئەمریكا بۆ دیموكراسی)، (درەو) كاركردنی خۆی دەباتە قۆناغێكی نوێو سود لە پشتیوانییە دارایی و مەعنەویەكەی (NED) وەردەگرێت بۆ گەشەپێدانی ماڵپەڕەكەو بڵاوكردنەوەی هەواڵو راپۆرتە بنكۆڵكارییەكانی بە هەردوو زمانی (عەرەبیو ئینگلیزی).
لەچوارچێوەی ئەم پاڵپشتییە داراییە، (درەو)، بەشێكی كارەكانی خۆی تەرخان دەكات بۆ ئامادەكردنی راپۆرتی بنكۆڵكاری لەبارەی چاودێریكردنی كەرتی نەوت لە هەرێمی كوردستان، بە ئاڕاستەی شەفافیەتی زیاتر لەم كەرتەدا.
(سندوقی نیشتمانی ئەمریكا بۆ دیموكراسی) دامەزراوەیەكی تایبەتی قازانج نەویستە، پاڵپشتی گەشەكردنو بەهێزبوونی دامەزراوە دیموكراتییەكان دەكات لەسەرتاسەری جیهان، ئەم سندوقە ساڵی 1983 دامەزراوەو ئێستا لە عێراقو هەرێمی كوردستان چەندین دامەزراوە سودمەندن لە پشتیوانییە داراییەكانی ئەم سندوقە.
