رێکەفتنێن پارتی وئێکەتی ...مەرحەبا.

2019-05-15 17:14:17

عەلی ئۆرەماری    

 

پشتی بوورینا زێدەتر ژ حەفت هەیڤان بسەر هەلبژاردنێن پەڕلەمانێ هەرێما کوردستانێ  و ئیمزاکرنا زێدەتر ڕێکەفتنەکێ دناڤبەرا پارتی دیمۆکراتی کوردستان وئێکەتی نشتیمانی کوردستان ، ژبۆ چەوانیا پێک ئینانا حکۆمەتێ  و بژارەکرنا میکانیزمێن چاڕەسەرکرنێ بتایبەت چاڕەسەرکرنا وێ لێک دابرنا ل بەغدا رووی دای و دوماهیک ئینانا ڕەوشا ناڵەبارا ل کەرکۆک، ب ئەگەرێ تێکچوونائەنجۆمەنێ پارێزگەهێ و نەدانانا پارێزگەڕەکێ هەلبژارتی ژپێکهاتەیێ کوردی و ژ کوردان ژی کەسەک بیت ئێکەتی دەست نیشان بکەت ، ژبەرکۆ ب پێی دوماهیک هەلبژاردن ژی زورینەیا رهایا دەنگدەرێن کەرکۆک دەنگدەرێن ئێکەتیێ بووینە، کۆ دنهۆدا کەسەکێ نەتەوە پەرەستێ عەرەب پارێزگارێ کەرکۆکا دل وقودسا کوردستانێ یە و ڕوژانەژی چەندین کریارێن دژی کوردان ل ڤی باژێری تێنە کرن و دوماهیک کریارژی ڤەگەراندنا خێزانێن وان عەرەبانە یێن بسیاسەتا تەعریبا رژێما بەعس هاتینە کەرکۆکێ ودەوروبەرا و پشتی ب پێی مادەیا 140ئەو خێزان هاتینە قەرەبوکرن و جارەکادی پشتی رویدانێن 16ی ئۆکتوبەرێ و دئەنجامێ لێکترازانا  دناڤبەر پارتی وئێکەتیێ بتایبەت ل کەرکۆکێ ،ئەو خێزان ڤەدگەرێنە جهێن ژێ چووین و درێژی بسیاسەتێن تەعریبێ تێتەکرن ، پڕسیارا جەوهەری دڤان رویدانادا ئەوە ،ئەرێ براستی پارتی وئێکەتی ڕێکەفتن کرینە ،،ئەرێ بڕاستی تشتەکێ زارەکی کۆ  هێزا رێکەفتنێ هەبیت دناڤبەرا بەرێز بارزانی وکاک کوسرەت دا هاتیە کرن لسەر میکانیزماچاڕەسەرکرناپرسا دانانا پارێزگەرێ کەرکۆک ،،باشە ئەگەر کەرکۆک پشتی ڕویدانێن ڕیفراندومێ توشی تێکچوونا بەلانسێ بوویە و کورد تێدا لاوازبووینە و عەرەب بالا دەست بووینە ،وەکی دبێژن یاکەفتی یە ژێر فەرمانێن حەشدا شەعبی و ئەنجۆمەن ژی ب ئەگەرێ ناکۆکیێن لیستا برایەتی کۆ ئەندامێن سەر ب پارتیڤە وەسا دانن کۆ کەرکۆک یا داگیرکریە و تا ڕەوشا کەرکۆک ئاسایی نەبیت دئامادەنینن بچنە کەرکۆک ،هەر وەکی چاڤەرێی قودرەتەکا ئیلاهینە بێت وکەرکۆکێ لبن دەستێ حەشدا شیعی رزگاربکەت و دئەنجامدا  باشترین بیانوویە پارێزگارەکێ کوردی یێ  ئێکەتی نەئێتەدانان و تەعریب وتالانکرن ژی  هەر دبەردەوام بن ،ئەرێ دیسان پڕسیار باشە ما موسل ودەوروبەرێن وێژی هەر ل ژێر فەرمانێن وێ حەشدێ و وێ دەستهەلاتێ دا نینە یا کەرکۆک تێدا ،باشە ئەی چەوا  ئەندامێن ئەنجۆمەنێ موسل یێن سەر ب پارتیڤە د ئامادەنە چ سەفقەبیت یان جامێری بیت بچنە کۆمبوونائەنجۆمەنێ پارێزگەها مۆسل  بۆ هەلبژاردنا پارێزگارەکێ عەرەبێ سنیێ  دەمارگیر بۆ موسل کۆ نەدل ونە قودسا کوردستانێ یە و بەلێ دئامادەنینن بچنە کۆمبوونا ئەنجۆمەنێ پارێزگەها کەرکۆک بو دانا پارێزگارەکێ کەرکوکیێ کوردو دوماهیک ئینان بسیاسەتێن شۆڤینی یێن راکان جبوری ، یان ئەڤەژی سەیروسەمەرێن رێکەفتنانە دناڤبەرا پارتی وئێکەتی ....دەوڵەت مەرحەبا.

بابه‌تی په‌یوه‌ندیدار
مافی به‌رهه‌مه‌كان پارێزراوه‌ بۆ دره‌و
Developed by Smarthand