دیفاع ھەركی

ماوەیێ چەند رۆژانە، سەرۆكێ پەرلەمانا عێراقێ، محەمەد حەلبووسی ل جھێ بەغداد، ل باژێرەكی دی پێشوازی ژ وەفدێن نافخۆی و جیھانی دكەت.

 محەمەد حەلبووسی كو لسەر پشكا پێكھاتەیا سونەیان سەرۆكێ پەرلەمانێ یە، نھا ب ھێزترین سیاسیێ سونەیان دھێتە ھژماردن، ماوەیەكە ل باژێرێ "فەلوجە" یێ گرێدایێ پارێزگەھا ئەنبار  پێشۆازیێ ژ وەفدێن نافخۆی و جیھانی دكەت.

وێ یەكێ ژی چەندین خاندن بۆ دھێنە كرن، ژبەر كو پشتی ژناڤبرنا دەستھەلاتا بەعس ل ساڵا ٢٠٠٣ێ، چ باژێرن سونەیا نەبوونە جھێن كومبوونا بەرپرسێن پلە بلند، زۆربەھیا كومبوونان ل بەغداد و ھندەك ژ ی ل نەجەف و كەربەلا دھاتنە كرن، ژ بۆ ئێك ئالیكرنا ئاریشەیێن عێراقێ و رەنگە ئێدی فەلوجە ژی ناڤەندەكا دی یا بریار دانێ بیت ل عێراقێ.

یێك ژ خاندنێن دی بۆ وی بابەتی ئەوە كو ھەر ئێك ژ ( ئەمەریكا و توركیا و ئوردن و وەلاتێن كەنداڤێ) بخازن جارەكا دی پێكھاتەیا سونەیان ھەتا رادەیەكی رولەكی بەرچاڤ پێ بدەن د گۆرەپانا سیاسیا عێراقێ دا.

یێك ژ بەڵگەیان بۆ وی بابەتی ئەوە كو ئەمەریكا زۆربەھیا ھێزێن خۆ بۆ پارێزگەھا ئەنبار ڤەگوھاستنە، ھەروەھا سیستەمێ دژە موشەك ژی ل وێ پارێزگەھەێ جێگیركریە، ھەر دەمێ بخازن وێ ناڤەندا بریار دانێ بپارێزیت.

ھەروەھا بەریا دەمەكی چەند چاڤكانیێن عەرەبی بەلاڤكربوون، كو ل وەلاتێ ئوردنێ محەمەد حەلبووسی دگەڵ ھەریك ژ نوونەرێ ئەمەریكا و توركیا و سعودیە، ئوردن لسەر ھەبوونا رولێ پكھاتەیا سونایە د بریارێن عێراقێدا كو ببوون.

ئارمانجا ئەمەریكا چیە فەلوجەی بكەتە جھێ بریاردانێ؟

ئەمەریكا دڤێت وەك كارەتەكا فشارێ دژی ئیرانێ و شیعەیێن عێراقێ وی رولی بۆ سونەیان بزڤرینت، ژبەر كو پرانیا شیعەیێن عێراقێ دوستێن ئیرانێ نە، دژی رولێ ئەمەریكانە، ھەروەھا ئەمەریكا دخازیت، ھاوسەنگیا ھێزێ بۆ عێراقێ بزڤرینت.

ژلایەكی دی ڤە، پرانیا سەركردەیێن ئەمەریكا  گەھشتنە وێ باوەریێ، كو وان عێراق رادەستی ئیرانێ كریە و پێدڤیە وێ شاشیا خۆ راستڤەكەن.