سەید ئەكرەم 

کورد لناڤبارا چەکوچێ ئەمریکا و صندانێ روسیادا ماینە حەیری:

۱. هەلامەتێ صینێ جیهانگێریێ دخوەدا کوم دکەتن.
هەلامەتێ صیڻێ هێدی خو ڤەدکێشا ناڤا دلێ روژهەلاتا ناڤینا زەنگین، بوێ مەرەمێ مارەبرینەکا دومدرێژ دگەل دا بکەتن، لێ خەریکە ڤایروسێ کرونا خەونێن وان بکەتن خەیالەکا غەرقی..ئاشوپێ هەلامەتەكێ مەودا نەدیار سەنگێ ئەرمانجێ بهەزقینیتن ... تەپا صینی بوان جارەک دی ڤەگەرینیتن و ل سەروان خەریکە بیتن گوڵ.

۲. روسیا ماردەکێ چاڤ تاریە.
روسیا ماردەکێ چاڤ تاری و بێ گوهە، هزرێن وان دسەریدا لێک دزڤرن و یاریێ بتنێ بو خوە دکەن، ئەگەر دیتن سێنیا بەرێ وان یا چەور و بتامە..دێ لیتکەکێ ل دەورێن خوەدەن و مفایێ خوە کەنە بەریکا خوە...خو دهەڤالێ خوە ناگەهینن..نابینن وان چ قەتلازی بەرامبەری یێ دی کریە...بلا ئەم گەلەک دویر نەچین...ئەرێ ما شێخ سەعیدێ پیران ب پشتەڤانیا وان شورەش نەکر...باشە ل دەمێ تورکیا دەڤێ وان شرین کری...پێهنەک ل شێخی دا و ئێخستە ناڤا زیندانێ..ل رژهەلاتێ قازی مەحەمەدی دیسان بهەڤکاریا وان جمهوریەتا دیموکراسیا مهاباتێ راگەهاند، دیسان ل دەمێ شاهی دەڤێ وان سویر کری، هەما وەکی تیمساحەکی خو ڤەکێشا و کورد پشت گوهێ خو ئێخستن..ل شورەشا ئەیلولێ خو دکوردان نەگەهاند و بونە پشتەڤانێن کومارا عێراقێ...ل روژئاڤا کێش و ڤەکێشان ب کوردان دکەن..کێتکا میریا ژمالا میران بەردەمە تە دێ ترسی...نوکەژی گازپروم کریە یاریا ڤەشارکان و بن ئاڤ کرنێ.....!!

۳. بو ئەوێن شارەزیی یاریاسیاسی ئەمریکا خوش هەڤالە.
راستە ئەمریکا ژی ل پەیمانا جەزائیر خودانی ل کوردان نەکر، ل عەفرینێ پشتگیریا کوردان نەکر...لێ سالا ۱۹٦۷تاکو ۱۹۷٥بدەهان ملیون دولار دانە کوردان، پشتگریەکا لەشکەری، دبلوماسی ب رەنگەکی ژ رەنگان ژ کوردان کرن...ل ئازادیا عێراقێ و بسەردا هاریکاریا گەلێ کورد کر، ل بەریا ریفراندومێ نامەیەکا سەنگین بوکوردان هنارت...نوکەژی پشگیریا کوردان دکەن..بملیارەها دولاڕ ل عێراقێ و سوریێ خەرج کرنە، کورد ژی سودمەندن...!!

٤. پسیار و هەلبژاردەیێن باش.
پسیار ئەوە لناڤبەرا ئەمریکا و روسیا...د یاریا هەرێمی دا کورد چ هەلبژارتن، بخو بکەنە ژێگردە..چ رێک ل بەرخو بگرن...!!
۱. بو کوردان دەلیڤە هاتیە و گرنگە ئەمریکا هەلبژێرن و جهێ خوە بنەجێ بکەن دناڤا ترازیا بەرژەوەندیێن وان دا، دیسان نابیتن روسیا ژی توڕە بکەین...ئەڤێ ژی یاریەکا سیاسیا ب شارەزایی، پێ دڤێتن...
۲. عێراق یا شلوقە، هەردچیتن شلوق ترێ دبیتن...لێ دیسان هشیاری و سەردەریەکا هوشمەندی پێ دڤێتن...دچارڤوڤێ عێراقێ دا ،گرنگە کورد خودان بەرنامە و پلان بن، ب ئێک دەنگی و ببێ دەنگەیا ل سەرخو گاڤێن خوە باڤێژن ...نانێ خوە باش بروین بکەن..دەڤێ خوە باش شرین بکەن...بێ پێ گوتن و هەلا و بەلا... نانێ خوە بخون و ئەقلێ خوە دسەرێ خوە بکەن...خو نەکەنە ..خوێ بو گرارا کەسێ دی...مللەتێ خوە ئاشت بکەن، باش خودان بکەن، ئاخا خو بگرن و ب پارێزن، سەلامەتیا ناڤخویی بزەلالی و رون و زەلالی بپرێزن...دام و دەزگەهێن خوە سازی بکەن، چاکسازیەکا راست و دروست بکەن، هێزا خو ژ گەلێ خوە ورگرن، دگەل مللەت و ئاخا خو دراست گوبن...خو رێک بێخن...نەبن ئاستەنگ و بەلا ... نە بو دەولەتێن هەرێمی، نەژی بو دونیا دەرڤە و هاوپەیمانێن ناڤ نەتەوەیی....
براستی ژی روژا مە ژروژئاڤا دهەلێتن...گرنگەژی ب باشی سودێ خوە ژ هەڤبەندیا چاحی وەربگرین...دەرگەهێ مە ئەمریکایە، روین وتەڤن ئیسرائیلە...نابیتن ژی خوبێخینە ناڤا مەترسیێن دهێن..گازیا سەلامەتیێ بومە گەلەک یا گرنگە....