🔹 عەلی ئۆرەماری  

ل گۆرەی رویدانێن گەرمێن دروژهەلاتا ناڤین دا هەی، هەر ژ خۆپێشاندانێن عیراقێ و هەولێن هێزێن نێزیک یان سەر ب ئیرانێ ڤەنە،ژبۆ گۆهارتنا داخازیێن خۆپشاندەران ژ داخازیێن چاکسیازیێ و دژایەتیا گەندەلیێ و گەندەلکاران و دەرێخستنا عیراقێ ژ بن سیاسەت وزومگەراتیا ئیرانێ ،بەرف گۆتارەکا دینی ومەزهەبی و بڵندکرنا بانگێن دەرێخستنا هێزێن بیانی وە ک ئاماژەیەک بوو هێزێن ئەمریکا ژ عیراقێ ،کەئەڤە بخۆژی بەردەوامیا دەستێوەردانێن ئێرانێ نە  دعیراقێ دا و ئەف هەوڵێن هەنێ نە  ئاگرێ شەری دناڤبەرا ئەمریکا و ئیرانێ  گەرم دکەن وهەڵبەت گۆڕەپان ژی عیراقە ولسەر ڤی بنیاتی  ژی هەم هێزێن ئەمریکا و تێکرایێ هێزێن هەڤپەیمانان دناڤبەرا خۆڤەکێشان ژ عیراقێ ، نەخسامە کۆ حکۆمەتا عادل عەبدوولمەهدی یاداخازکریە کۆ دوماهیکێ ب هەبوونا هێزێن بیانی بینیت و رێکەفتنا ئەمریکا وعیراقێ بهەڵوەشینیت  ،یان ژی هێزێن ئەمریکا وهەڤپەیمانان ل جهەکێ ئارامتر بگەریێن کۆ وەک ئەنترناتیف بۆجهگیرکرنا هێزێن خۆبکاربینن و نێزیکترین جه و باشترین جه ژی هەڵبەت دێ هەرێما کوردستانێ بیت کۆ هەم دویرنەکەڤن ژ ئارمانجێن بخۆ دانایێن و هەم ژی درێژیێ ب پلان وبەرنامەیێن خۆ بدەن ژبۆ فشارئێخستنێن ئابۆری وسەربازی لسەرئیرانێ وهنگافتنا ئارمانجان ، ئەڤەبخۆژی تێرا هندێ هەیە کۆ دویر نینە ژلایێ ئیرانێ ڤە هەرێم ببە ئارمانجا  هێرشێن وێ ، ئەڤە و دحالەتێ ڤالابوونا عیراقێ ژ هێزێن ئەمریکا و هەڤپەیمانێن وێ ڕەنگە کارڤەدانەکا نەرینی ژی هەبیت لسەر کارێ بالیوزخانەیێن ئەمریکا وئەورووپا و کارو بەرنامە ووەزیفەیێن نەتەوێن ئێکگرتی ژی  UN ل عیراقێ و تێتە چاڤەرێکرن دیسان نەتەوێن ئێکگرتی ژی بیر ل ڤەگۆهاستنا بارەگایێ خۆیێ سەرەکی ل بەغدا بۆ هەرێمێ بکەت  و بالیوزخانەیێن بیانی ژی کارێن خۆ ل عیراقێ سر بکەن و بەرێ خۆبدەنە هەولێرێ ،بوویە دڤان بویەرێن گەرمێن رووی ل عیراقێ ورۆژ هەلاتا ناڤین دکەتن ، هەرێما کوردستانێ دێ رولەکێ میحوەری بینیت ،هەم دشیاندایە روڵەکێ دیبلوماسی بگێریت دئارامکرنا رەوشا نافخۆیا عیراقێ ویسان وەک جاران هەولێر ببیتە ناڤەندا پێک گەهشتنا هێزێن عیراقێ و دهەمان دەمدا ژی رولەکێ ئەرێنی بگێریت د خافکرنا وێ تۆندیا هەی دناڤبەرا ئەمریکا و ئیرانێ دا ودیسان ب هەم ئاهەنگی دناڤبەرا سەرۆک کۆماری  وسەروکێ هەرێمێ وب  زێندیکرنا هەم ئاهەنگیا جاران هەی دناڤبەرا ڕەونشاد تالەبانی وبارزانی دا دشیاندایە  هەم ئاهەنگیا دناڤبەرا پارتی وئێکەتی و هێزێن دیتر  زێندی ببیتەڤە و  پایتەختێ هەرێمێ ببیتە ناڤەندەک هەم  هەمی رێک ژبۆ چارسەرکرنا پرسگرێکێن دەڤەرێ هەولێربیتن   ودشیاندایە ژی ڤەگۆهاستنا بالیوزخانەیێن ئەمریکاوئەورووپا و ناڤەندێن دنێن نیڤ دەۆڵەتی دبەرژەوەندیا بهێزئێخستنا پێگەهێ هەرێمێ بێتە بکارئینان ودیسان پێگەهێ هەرێمێ بۆ جاران بەری رویدانێن برینا بۆدجێ وهاتنا داعش و دەرئەنجامێن ریفراندومێ بڤەگەریێت ، نەتنێ هێزێن پێشمەرگەی فەبگەرێنە کەرکۆک و شنگاڵ ومەخمۆر بەلکۆ دشیاندایە لبن چاڤدێریا نەتەوێن ئێکگرتی وهەڤپەیمانان دوماهیکێ ب چیرۆکا مادا سەدوچل بینیت و پلان وبەرنامەیەکێ دەوڵەتی ژبۆ چارەسەرکرنا پرسێن جۆگرافی وکارگێری دناڤبەرا هەرێمێ و ناوەندێ بینیت ، لێ ژبۆ هەرێم وی رولی بگێریت و ڤێ دەلیڤێ ژدەست نەدەتن ،گەرەکە هەرێما کوردستانێ وسازیێن وێ پەرلەمان وحکۆمەت وسەروکاتیا هەرێمێ خۆدان پلان و ستراتیچ بن و ب گیانەکێ نشتیمانی ونەتەوەی ودویر ژ هزرێن تەسک و زالکرنا گیانێ تەسکێ حزبی ئەرکێن قۆناغێ برێڤەبەت و لسەر ئاستێ کوپیتکێ (لوتکە) هێزێن کوردستانێ لسەر دانانا هێلێن ستراتیچی رێک بکەڤن و دهەر پێنگاڤەکێ دا ژبۆ رێ پێدانا جهگیرکرنا هێزێن ئەمریکا وهەڤپەیمانێن وێ ل هەرێمێ دەبیت ب رێکەفتن بیت لگەل هەرێمێ وتا هەرێم گڕەنتیێن باشەرۆژێ تا ئاستێ سەربەخۆیا هەرێمێ وەرنەگریت نابیت لبن هندەک سۆزێن نەنڤیسی و دەمکی هەرێم رێکێ بجهگیرنا هێزێن هەڤپەیمان بدەت ، کە دوێ باوەرێ داینە دنهۆدا  هیچ شینگرەک بۆ ئەمریکا وهەڤپەیمانا ژبلی هەرێمێ بدەست ناکەڤیت ،ل دوماهیێ ژی دشیاندا نینە هەرێم ڤی روولی بگێریت بێی دوماهیکێ ب حۆکمڕانیەکا حزبی بینیت وبێی جاکسازیەکا سیاسی ودیبڵوماسی و بنشتیمانیکرنا بریار و  پێنگاڤێن سیاسی و بدەزگەهیکرنا هێزێن پێشمەرگەهی و هەمی سازیێن دنێن حکۆمەتا هەرێمێ وسەروکاتیا هەرێما کوردستانێ وی روولێ بگێریت ،هەر پێنگاڤەکا دن ژدەرڤەی بەرژەوەندیێن بڵندێن گەڵ و نشتیمان ،هەرێم دێ دفەلەکا وەختی دا خەندقیت دیسان دێ ئەڤروژی بیتە مێژو مفا ژ دەلیڤێ نائێتەوەرگرتن.