دیفاع هه‌ركی   
ئه‌و هه‌ردوو باژێرن (سه‌رێ كانیێ و گرێ سپی) كو شه‌رڤانێن هێزێن سوریا ده‌موكرات "هه‌سه‌ده‌"لدوڤ رێكه‌فتنا ئه‌مریكا و توركیایێ لێ ڤه‌كشیای, كو بریارا ده‌وله‌تا تورك ناڤچه‌یا بناڤ ئارام لێ دروست بكه‌ت د به‌رژه‌وه‌ندیا كورداندایه‌. 
چه‌وا د به‌رژه‌وه‌ندیا كوردان دایه‌؟
راسته‌ داگیركرنا هه‌ر بوسته‌كا ئاخا كوردستانێ تشته‌كێ نه‌خوش و نه‌باشه‌, لێ دناڤبه‌را نه‌مان و وێرانبونا هه‌می رۆژئاڤایێ كوردستانێ و یان دوو باژه‌رێن رۆژئاڤایێ كوردستانێ هه‌ڵبه‌ت دوو بچن باشتره‌ ژ هه‌میێ,ئه‌و ناڤچه‌یا تێ به‌حسكرن لدوڤ زانیاریێن هه‌ی دناڤبه‌را هه‌ردوو باژه‌رێن سه‌رێ كانیێ و گرێ سپی دا دبه‌, كو 120 كم پانی و 32كم درێژی, راسته‌ پرانیا رۆنشتڤانێن هه‌ردوو باژه‌ران واته‌ سه‌رێ كانیێ و گرێ سپی كوردن, لێ ده‌ردورا وان باژه‌ران عه‌ره‌ب زورترن, لێ ده‌هه‌مان ده‌مدا چه‌ند باژه‌رێن گرنگ بۆ كوردان دمینن وه‌كه‌، ره‌قه‌ و حه‌سه‌كه‌ ودێره‌زور و قامشۆ، كو پرانیا نه‌فت و چاندنیا وه‌لاتێ سوریا ل ڤان ده‌ڤه‌رێن رۆژئاڤایێ كوردستانێ یه‌, هه‌روه‌ها هه‌رده‌مێ گۆرانكاریێن نوو بهێنه‌ رۆژه‌ڤێ كورد دكارن گرێ سپی و سه‌رێ كانێ بزڤرین, 
هه‌روه‌ها دگه‌ڵ كونترۆلكرنا پارێزگه‌ها ئیدلبێ ژ ئالیێ ئارتێشا سوریاڤه‌ كورد دكارن و دوی ده‌میدا باژه‌رێ عه‌فرینێ جاره‌ك دن رزگاربكه‌ن,
ئه‌گه‌ر ئه‌م لێره‌ نموونا باشورێ كوردستانێ بینین راسته‌ نها ل باشور مه‌ هه‌رێمه‌كا نیمچه‌ سه‌ربه‌خوو هه‌یه‌, ل پرانیا ئاخا هه‌رێما كوردستانێ دژێر ده‌ستهه‌لاتا ئیداره‌یا باشورێ كوردستانێ دانیه‌، كو دكه‌ته‌ رێژه‌یا 51سه‌دێ و چه‌ند باژه‌رێن مه‌زن وه‌كه‌ شنگال و مه‌خمور و كه‌ركوك وخانه‌قین و چه‌ند ده‌ڤه‌رێن دی ل خوه‌ دگریت,
له‌وه‌را زێده‌باری هه‌رتشته‌كی لێ ئه‌ڤ رێكه‌فتن د به‌رژه‌وه‌ندیا كوردان دایه‌.