ژجەرگێ ئەنقەرە و ئامەد بو هەولێرو ئامێدی
2019-07-27 19:57:42
+ عەدنان زێباری
سیاسەتكرنێ دا هەر كەس و لایەنەكێ ئامانجەك دیاری كری هەیە ، هەر لایەنەك سیاسەتەك تایبەت ب خو هەیە بۆ سەرخستنا بەرنامە و پروگرامێ دارێتی ، لێ گرنگە ئەنجام و بەرهەمێ ڤێ سیاسەتێ گرنگی بهێت وەرگرتن ، هەلسنگاندنەكا لوژیكی بو بهێت كرن نەك عاتفی , هەردەما بەرهەم و دەسكەفتیێن باش هەبون كە خزمەت مروڤاتی بكەت دیارە سیاسەتەك سەركەفتیە ، بەروڤاژی هەردەما زوورترین زەرەر هەبوو دیارە سیاسەتەك فاشلە و پێتڤی پێداچونە.
یا مەبەست ئەوە ئەگەر بەرێخودانێ بو سیاسەتا (پەكەكە و هەدەپە) باكورێ كوردستان بكەی دێ بینی دەمەكێ دا پێشڤەچوون خودیتیە و تا ئاستەكێ باش دەسكەفتی هەبونە ، نمونە پشتی دەستیری دان حكومەتا توركیا ب بەشداریا هێزێن كوردی هەلبژارتنان دا ڤێرە هەدەپە ب رێكێن مەدەنی شیا بەشداری هەلبژارتن بكەت ، ب رێكێن هەلبژارتنان شیا وەكێ هێزەكا باندور تا ئاستەكێ باش رولێ خوە بگێریت و دەسكەفتی هەبوون ، شیا ناڤا جەرگێ پەرلەمانی ئەنقەرە خەباتێ بێ ترس بكەت , چەندین پلەیێن بلندێن ئیداریی ناڤا حكومەتێ وەرگرتن , هەر دیسان بگرە پروسا ئاشتی كە زوور مافێن كوردان تێدا دیاری كربوون كە بەرێ هێلا سوور بوون , ژ بلی ڤێ مفا بو پارچێن دیێن كوردستانێ هەبوو ، بەروڤاژی چەك هەلگرتن ژ لایێ پەكەكە كە جارەكا دی ڤەگەریان بو ناڤا چیاێن هەرێما كوردستان زەرە كریە ، راستە لایەنێ دەسەڵاتدار توركیا تیشی كێشە و شەپرزەی كریە تەنانەت زەرەر كریە وەكی چەوا ئاكپارتی هەلبژارتنا چوی باژێرێ ئەستمبول دەست دا ، پرسیار ئەوە نەمانا پارتا ئاكپارتی چارەسەرە بۆ كێشا كوردی؟ بەروڤاژی هەتا نوكە سەر بیت چ بەدیلەكێ باشتر ساحێ نیە , دیارترین وان زەرەو زیانێن شەری
1-هزاران كەس بینە قوربانی ، دەهان هزار كەس باكورێ كوردستان دەربەدەر بوون
2- هەر باژێر و گوندێن كوردان وێران بوون
3- پەكەكە خەلكێ باكورێ كوردستان دیر كەفت
4- تیروور ناساندنا پەكەكە ناڤا توركیا و دەرڤە
5- كێمبونا دەنگێن هەدەپە و دیسان دەستەسەركرنا سەروك و ئەندامێن وان
گومان تێدا نیە ئەڤ سیاسەتا نها یا توركیا جهێ قەبیل كرنێ نیە ، یا هەمیێ خرابتر هەر روژ سنورێن هەرێما كوردستان ب هەبونا گەریلایا بومبەباران دكەت كە تێدا خەلكێ مەدەنی دبیت قوربانی ، لایەكێ دی هێرشێن وان بو سەر روژئاڤایێ كوردستان و داگیركرنا عفرین جهێ شەرموزاریە ، ئەڤە هەمی ژ ئەنجامێ ڤێ شەری ناڤبەرا پەكەكە دگەل توركیا كە ئازراندیە كە دەست پێكێ وان شەر دەست پێكر ب كوشتنا دوو پولیسێن حكومەتێ . گرنگە بێژین ئەگەر نەشێی دوژمنی خوە دڤێت دوژمناتی لێ نەكەی! یا باشتر ئەوە بكەی هەڤاڵی خوە دا پتر زەرەێ نەكەی و بشێی مفایی لێ بینی .
دەمێ پروسا ئاشتی باكورێ كوردستان كە روژەك مێژووی و زێرین دهات دیتن كە مام جلال و مسعود بارزانی تایبەت رولەكێ دیار تێدا هەبوو ، پروسا ئاشتی ژ بلی كە شەر و خوین رێتن هات راوستاندن ، كە بەرێ سەدان هزار كەس بینە قوربانی ، هەر ڤێ پروسێ وەكر كە حكومەتا توركیا هێدی هێدی دان پێدان مافێن كوردان بكەت هەرچەندە ئاستەنگی مەزن دهاتن درووست كرن ژ لایێ بەشەك توركێن نەتەوە پەرست ، ئەڤە دبیە واقعەك یا ڤێ پتر دسەلمینت ئالایێ كوردستان ئاشكرایی دهات بلندكرن هەتا كوچكا كمال ئەتاتوركی ئالایێ كوردستان ژ بوی سەرەدانێن بەرپرسێن هەرێم دهات دانان , ئەڤە پێنگاڤەك گرنگ بوو وی دەمی دا لێ ئەڤە بەس نیە.
پرسیار ئەوە بوو دەهان ساڵێن شەری هەدارێ دكێشین بەس دان و ستاندن و رێكێن ئاشتی هەدارێ ناكەین؟ كە دەمێ بوری شەری دا خراب و خرابتر ئەنجامێ وێ بوو چ دی لێ زێدە نەبوو , بەس رازی نابین هەلبژارتنا باش كە تێدا چاڤەرێ بكەین بەلكی داهاتی باشتر ببیت. ئەگەر بێژین دەمەكێ كورت هەمی داخازیێن كوردا بهێن جه وەڵاتەكێ وەكی توركیا كە تژی مینن ئەڤە خەونە چونكی وەڵاتەكێ وەكی عێراقا لاواز باشورێ كوردستان نەشیایە ڤێ بكەت . جهێ پەكەكە نە ئامێدی یە بەلكی ئامەدە ، ژبەر هندێ گرنگە سیاسەتا خودا بچیتەڤە ، لایەنێ سیێ هەبیت كە رولێ ناڤبژیوانی رابیت بو ڤەگەراندنا رەوشێ بۆ بەرێ ئەویش حكومەتا هەرێم وەكی لایەنەكێ نزیك و بەرژوەندی هەڤبەش .
گرنگە بزانی تە چ دەست خستیە دەسكەفتیان بژمێری ، نە ب تنێ مژغولی ژمارتنا زەرەر و زیانێن خوە و بەرامبەر بی كە ئەنجام دا چ بەرهەم نەبیت . پرسیار ژ پەكەكە و هەدپە ئەوە كە ساڵا 2013 كیڤە بوون و ساڵا 2019 كیڤەنە؟
.gif)
.gif)
.jpg)
.png)
.jpg)
.jpg)
