كوردستانیان ل توركیا ده‌نگا نه‌ده‌ن ئه‌ردوگان و بیناری یه‌لدرم..!!
.gif "كوردستانیان ل توركیا ده‌نگا نه‌ده‌ن ئه‌ردوگان و بیناری یه‌لدرم..!!")
2019-05-22 13:54:59
سەید ئەكرەم
ده‌نگدانا كوردان بو ئه‌ردوغان و ئاق پارتی خوكوژیه و مه‌سترین بێ رێزیه هه‌مبه‌ری دوزا كوردی و خه‌لكێ كوردستانێ و بنه‌خاسمه‌یی گه‌لێ مه‌ی باكوری!
گه‌لێ مه‌یێ كورد و خه‌لكێ كوردستانێ بهه‌می پێكهاته‌یێ خوه‌یێ نه‌ته‌وه‌یی، دینی، مه‌زهه‌بی... بده‌هان ساله ل سه‌ر ڤێ ئاخێ دژیتن، كو ئاخا باب و كالێ وایه، نه‌كوچبه‌رن و نه‌ژی گه‌روكن، به‌لكی خه‌لكێ ره‌سه‌ن و نه‌ژاد كوردستانینه، ژئاخا میدیا و میزوبوتامیا... خوه ژیێن كه‌ڤناریێن خوه‌یه، سه‌ره‌رایی وێ چه‌ندێ چ د دێروكا كه‌ڤندا( سه‌رده‌مێ رومیێن مه‌قدونی، پارسی و ئه‌خمینی، سلاجقه و ته‌تارو مه‌نغولیێن دورنده... شاهنشینێن ساسانی، صه‌فه‌وی، قاجاری، په‌هله‌وی...تورك و تورانیێن ئوسمانلی و مه‌مالیك و گه‌لێن داگیر كه‌رێن كه‌ڤن...)، تاكو سه‌رده‌مێ مێژویا نویی ژی( ل سه‌رده‌مێ ده‌وله‌ت نه‌ته‌وه‌یا سوری، عێراق، فارس و توركیا كه‌مالی...)، واته زێده‌ی(1400)سالێن داگیركاری و بسه‌ردا گرتن و تالان كرن و مالوێری و وێ شویشتنا نه‌ژادیا هه‌مبه‌ری گه‌لێ كوردستانێ هاتیه كرن، لێ گه‌لێ كورد هه‌بوون و نه‌ژادێ خوه پارستن، برایی و بهه‌ڤرایی ژیانا ئولی و نه‌ته‌وه‌یی و هه‌می ره‌نگی پارستن و كویر كرن، دسه‌ر وێ هه‌می زولما لێ هاتیه كرن، دوژمنكاریا چ كه‌سه‌كی نه‌كر، ده‌ستێ خوه بو تیرورێ درێژ نه‌كر، ماف و ئازادیێن چ گه‌له‌كێ نه‌زه‌بت كرن، بتنێ بزاڤێن مافێن خوه‌یێن سروشتی و یاسایی و مروڤایه‌تی داخاز كرن...لێ دسه‌روێ هه‌میێ دا، داگیر كه‌رێن دوژمن و هوڤ – بتایبه‌تی داگیر كه‌رێن توركێن تورانی(نه‌خاسم ئه‌وێن خوه د كه‌ساتیا ئه‌ردوگان و حزباویا ئاق پارتی دا دبینن..)، یا به‌رده‌وامه ل سه‌ر ره‌شه كوژی و چ نه‌كرنا گه‌لێ مه‌یێ باكور، دبیتن هه‌ر ل ده‌ستپێكا هاتنا ئه‌ردوگان و حزبا وی بو سه‌ر كورسیكا ده‌ستهه‌لاتێ، هه‌لامه‌تێ دوژمنكاریا وان ل سه‌ر گه‌لێ مه ئاشكرا ببیتن...لێ گازیێن وان یێن سه‌خته و دره و نه‌مروڤایه‌تیا وان، نه‌بونه ئه‌گه‌رێ وێ چه‌ندێ گه‌لێ مه لباكور دژی وان بسه‌كنیتن و هه‌مبه‌ری وان ئیراده‌یا خوه بكار بینیتن...به‌لكی خه‌لكه‌كێ زورێ كورد، گه‌له‌ك كوردستانیان خودا ناڤا پارتیا ئه‌ردوگانی و ده‌نگێ خوه دایێ و پشگیریا لیسته‌یا وان كرن، تاكو بوینه پارتیا ئێكێ و سه‌ركه‌ڤتیێن ئێكێ بده‌ست خوڤه‌ئیناندی ل سالا2003 و دووسێ گه‌رێن بسه‌ر دا، لێ ئه‌ردوگانی هه‌ر وه‌كی كه‌مال ئه‌تاتوركی و توركێن نه‌ژادپه‌ست و به‌لكی زور كویرتر و دژوارترێ دوژمنكاریا گه‌لێ كورد و خه‌لكێ كوردستانێ كر...یا ژوێ ژی خرابترێ، ئینكارێ كوردستان و هه‌بونا گه‌لێ كورد و كوردستانێ ژی كرن، زكێ وی ژ خوینا كوردان تێرنه‌بو، بهزار و به‌لكی بسه‌دان هزرا كورد گرتن، ده‌ربه‌رده‌ركرن، ژ سه‌ر ئاخا باب و كالان كوچبه‌ری چاره‌نوسه‌كێ نه‌دیار كرن، بده‌هان و بگره بسه‌دان و به‌لكی بهه‌زاره‌ها گوند و شارێن كوردان خراب و وێران كرن، ده‌رگه‌هێ زیندانان ل كوردا ڤه‌كرن و بێی هیچ به‌لگه و سه‌نه‌ده‌كا یاسایی بده‌هان هزار كورد ئێخستنه ناڤا زیندانان، زێده‌ی(3000) سێ هزار سه‌ركرده‌یێن(هه‌ده‌پ و به‌ده‌پێ)ئێخستنه ناڤا كونجێن زیندانان...هه‌وێن برسیكرنێ، هه‌وێن شكاندن و ره‌زیل كرنا نه‌ژادی بئه‌وپه‌رێ هوڤاتی ل سه‌ر گه‌لێ مه دا هاژوان...نه‌ژادێ خوه ژبیر كرن، نه‌زانی ئه‌و كییه و كورێ كێیه، ب بێ منه‌ت، ب بێ شه‌رمی گازی د كر و دگوت ل ڤێره تشته‌ك نینه ناڤێ وی كوردستان، كورد نینن، ئه‌وێن به‌حسا كوردستانێ دكه‌ن، بلا بچن باكورێ عێراقێ، بلا بچن ده‌ڤ مه‌سعود بارزانی...ڤێره توركیایه و تشته‌ك نینه ناڤێ وێ كوردستان ...خودسه‌ردا دبرن و نه‌زانی كورد و كوردستان بهه‌زاره‌ها ساله هه‌ی، بده‌هان هزار ساله گه‌لێ كوردی و دگه‌ل گه‌لێن دی یێن كورستانانی ل سه‌ر ڤێ ئاخێ دژین...ئه‌ڤ ئاخه كوردستانه، ئاخا میدیا و میزوبوتا میایه...یێن مهاجر ل سه‌ر ڤێ ئاخێ، یێن ره‌ڤه‌ند و ل سه‌ر پشتا هه‌سپی هاتین نه‌كوردن، به‌لكی توركێن تورانینه، ته‌ته‌ر و مه‌نگولێن ره‌گه‌زپه‌رست و سه‌ر هشكن، ئه‌و وه‌لاتێ ئه‌ردوگان دبێژیتنێ توركیا، ناڤێ وێ نه‌توركیا، ئه‌ڤ ناڤه ل سالا1923ز و بسه‌ردا، ببریاره‌كا زالم، بناڤ ئینانه‌كا سه‌پاندی و دروست كری، هاتیه سه‌پاندن...ئه‌ڤ وه‌لاتێ دبێژنێ توركیا، نه‌توركیایه، به‌لكی كوردستانه( میزوبوتامیایه، ئه‌رمنستانه...ئاخا بابكالێن كوردستانیایه...)، یێن غه‌ریبه توركن، یێن غازی و داگیر كه‌ر توركن، یێن كو دڤێتن بچن و نه‌مین دیسان توركێن تورانینه...)، ئاخا مه، ئاخا ژیان و بهه‌ڤرا ژیانێیه، كورد و كوردستانیان هیچ ده‌مه‌كی كه‌سه‌ك ژناڤمالا خوه ده‌رنه‌كریه، په‌نابه‌ر، مهاجر، لێقه‌ومی، به‌نده‌وار و هه‌ژار، كوچه‌ر و كوچه‌رات...ل سه‌ر سه‌ران و ل سه‌ر چاڤان وه‌رگرتیه، هه‌تا داگیر كه‌ر ژی بسینگفرهه‌یی وه‌رگرتینه، خو دگه‌ل داگیر كاریێ ژی گونجاندیه( جاچ ده‌رد ده‌ردێ نه‌چاریێ بیتن، یان ژی ژ روحیه‌تا حه‌زژێ كرنێ و براتیێ بیتن..)، نوكه ژی كورد برایه‌تیا هه‌می گه‌لان قه‌بیل دكه‌ن، چ بزوری هاتبیتن یان ژی بخوشی و مێهڤانی هاتبیتن...لێ گه‌ر دور گه‌هشته وێ ئێكێ، ل سه‌ر وێ هه‌می زولم و زورداریا ئه‌ردوگان و حزبا وی دكه‌تن، بئه‌و په‌رێ بێ شه‌ر می و بێ منه‌تیێ گازی بكه‌تن و ئینكارا گه‌لێ مه و ئاخا مه بكه‌تن...بێژیتن ڤێره تشته‌ك نینه ناڤێ وێ كورد و كوردستان...ئه‌وێن ڤی زمانی بكار دئینن، بلا بچن باكورێ عێراقێ( كوردستان ل ده‌ڤ قوزه‌ی عێراقی هه‌یه)، ئه‌ڤ رێڤه‌چونا ئه‌ردوگانی و حزبا وی، ناماقیلترین و نه‌مروڤایه‌ترین هه‌لوێست و پر دوژمنكاری ترینێ رێك و رێبازایه، ئه‌ردوگان و حزبا وی لبه‌ر خوه گرتی...نوكه ژی كو كه‌ڤتیه ناڤا شكه‌ستنه‌كا مه‌زن، ئیرادا خوه ژ ده‌ستدایه، سته‌مبول و ئه‌نقه‌ره ژ ده‌ستدانه...خودبینیتن مه‌لویل و شه‌رمه‌زار...ژنوی گازی كوردان دكه‌تن، مه‌دحوسه‌نایێ بو كوردان دكه‌تن، داخازیا ده‌نگێن كوردان دكه‌تن...له‌و دبێژم و بباوه‌رم ژی هه‌می خه‌لكێ باكور و توركیا ژی وێ چه‌ندێ دزانیتن، ئه‌ردوگان و حزباوی ژ بلی دشكه‌ستنه‌كا ئه‌زه‌لی دایه، مروڤێن دوو روینه، دره‌وین و فاسد و فاسقن، بێ شه‌رم و بێ ناڤ و بێ ناڤه‌روكن...دسه‌ركه‌ڤتنان دا مه‌غرور و دسه‌ردا چوینه، ل شكه‌ستن و كه‌ڤتنان ژی بێ ئیراده و هه‌رفوك و كه‌ڤتوكن...مروڤێن هوسان، نه‌سه‌ركرده‌نه، نه خودان نه‌ژادن و نه‌ژی خوه‌ناس دكه‌ن، ئه‌ردوگان ئیسبات كر، بو گه‌لێ كورد، بو هه‌می گه‌لێ مه‌یێ بوسلمانێ براست و راست گو، هه‌می گه‌لێ دونیایێ ژی وێ دزانن، ئه‌ردوگان ژ بلی تورانیه‌كێ ره‌گه‌زپه‌رست و خوه نه‌ناسه، ئه‌و مالوت و ماباتا تیرورو تیررورستێن داعشا ئیسلامیه...ئه‌و نه‌هه‌ر ره‌گه‌زپه‌رسته، به‌لكی ناخێ وی ناڤ و ناڤه‌روكا وی ل سه‌ر دوژمنایه‌تی و چونه‌كرنا گه‌لێ كورد و خه‌لكێ كوردستانێ، بگشتی ئاڤابویه و گه‌نییه‌كێ خرابه و قه‌د ساخله‌م نابیتن...بویه فه‌ره هه‌می كورد و كورستانی وێ باش بزانن..ئه‌ردوگان و حزباوی یاریه‌كا ره‌زیل و كه‌ڤتیه، پلایه‌كا ره‌شا دوژمنكاریێ و نه‌یارتیا گه‌ل و وه‌لاتێ مه‌یه...دروست بونا وان نه‌ڤیانه، بو نه‌یارتیا كوردان كار دكه‌ن، له‌ومانێ هه‌ر كورد و كوردستانی دڤێتن وێ بزانیتن...ده‌نگادان بو ئه‌ردوگان و بو حزبا وی، ده‌نگدانه بو چونه‌كرنا كورد و كوردستانیان، خو كوشتنه و كاره‌ك و كریاره‌كا نه‌مروڤایه‌تی و نه وه‌لات پارێزیه...له‌و دبێژم، كوردینا، كوردستانینا هشیار بن ده‌نگێن خوه نه‌ده‌نه ئه‌ردوگانی و حزبا وی، ده‌نگا نه‌ده‌نه بیناری یه‌لدرمێ خوفروش و خاك فروش، ئه‌ڤانا نه‌ژادێ خوه به‌رزه‌كریه، مروڤاتیا خوه فروتیه، مروڤێن چوریك و كه‌ڤتینه، نه‌بكێر هه‌وه دهێن و نه‌ژی دكارن توركیا بڤه‌گه‌رینن دوخێ خوه‌یێ جارن.
.gif)
.gif)
.jpg)
.png)
.jpg)
.jpg)
