عەدنان محەمەد زێباری 

وەکی دیار زوور رون و ‌ئاشکرایە ئەمریکا هەر پێنگاڤەکێ بهاڤێژیت ئەگەر بەرژوەندیا وێ نەبیت ناهاڤێژیت خو ئەگەر لایەکێ مەزنترین چەکێ ئەتومی جیهانێ هەبیت ، تەنانەت ئەگەر رێکخراوەکا تیروری یان وەڵاتەکێ دژی مافێن مروڤی کاربکەت ، هەر کارەکێ بەرژوەندیا وێ نەبیت خو نالڤینت و زوور جار رەنگە پشتاڤانێ وان بیت ئەگەر بەرژوەندیێن وێ وەسا بخازیت .
پرسیار ئەوە چ تشتەک بەرژوەندیا ئەمریکا هەیە کە شەرەکێ دگەل وەڵاتەکێ مەزن وەکی ئێران بکەت کە مەترسیەکا جدی و کرداری هەتا نوکە سەر بەرژوەندیێن وێ نەبیە ، ئەمریکا مەزنترین زلهێزا جیهانە هەر شەرەکێ راستەوخو سەر ئەردی ریبدەت رەنگە ب ڤێ باڵانسا هێزێ سەر ئاستی جیهانێ بو لایێ زلهێزەکا دی وەکی روسیا بشکینت کە روسیا منافسە دگەل ئەمریکا و چاڤ دەرفەتەکە بو هندێ پتر پێگەهێ خو روژهەڵاتا ناڤین بەرفەرەه بکەت ، وەکی چەوا رەوشا سوریا دەرفەت دیت و بیە خودان نفوس و بریار تێدا بن کونترولا ‌ئەمریکا دەرکەفت.
ئەمریکا چ دڤێت؟
. لایەکێ ئەمریکا ئێرانەکا لاواز و گوهدار دڤێت بو هندێ  ئیسرائیلێ گەفێن وێ بپارێزیت نە ناڤبرنا وێ ،  ‌ئەڤە دەهان ساڵە هەر دوو لا ب تنێ زێدەتر دروشمێن مرنێ بو هەڤدوو بلند دکەن و واقع لاوازکرنا و ملەکچپێکرنا ئێرانە نە کوشتنا وێ.
لایەکێ دی ئەمریکا رژێما ئێران پێناڤ بەرژوەندیێن خو کاردئینت دژی وەڵاتێن سنی تایبەت سعودی  . سعودی ئێکە ژ وەڵاتێن مەزنێن ئابوری لایێ بەرهەم ئینانا نەفتێ کە بن فەرمان و بەرژوەندیێن ئەمریکایە ، ئەڤا سعودیە بو ئەمریکا دکەت ژ ترسا ئێرانە کە بەرامبەر وێ ئەمریکا سعودیە بپارێزیت و سنورەک بو بەرفەرەهبونا دەستێ شیعی  دانێت  ژ بەر کو دوو وەڵاتێن دژ ب ئیک و دوو دەردکەڤن ، ب ناڤبرنا رژێما ئێران ئێدی سعودی مەجگور نیە دیڤ داخازیێن ئەمریکا بکەڤیت چونکی ئەڤە یا ئاشکرایە و هەر ئێکەم سەرەدانا دونالد ترەمپ بو سعودیە ملیار دوولار دگەل خو برن ، لایەکێ دی ئەڤ سەرکردیە ب سیاسیەکێ بازرگانی بەرنیاسە هەمی فوکسا وی سەر هندێیە کە چەوا پارە دەست بێخیت .
چەند پرسیار دهێن پێش ئەویش ئەڤەنە: 
پرسیار ئەوە باشە ئەگەر مەبەستا ئەمریکا بیت کارئینانا هێزێ دژی ئێران بوچی ڤان ساڵان دا رێک دایە کە ئێران نفوسا خو زێدە بکەت ل وەڵاتێن دەوروبەر خوە قەلەو بکەت ژ وان عێراق و سوریا و یەمەن و لیبیا کە سەدان هەزار میلیشیا بن گوهداریا سەرکردێن وانن و شەری بو بەرژوەندیێن ئێران دکەن
هەر دیسان پرسیار ئەوە ئەگەر مەبەستا ئەمریکا بیت ناڤبرنا حکومەتا ئێران بوچی هەڤپەیمانیەکا نیڤ دەوڵەتی ‌پێک نەئینایە خو شەرێ دگەل رژێما صدام حسێن و شەرێ دگەل داعش مەزنترین هەڤپەیمانی درووست کر.

راستە ل بەرژوەندیا ئەمریکا دا نیە کە ئێران هەتا هەر وەڵاتەکی دی جیهانێ ب هێز بکەڤیت بەلێ هەمان دەم دا بەرژوەندیا وێ نیە شەرەکێ راستەوخو دگەل ئێران بکەت کە ئەنجامێ وێ روون و ئاشکرا نیە ، بەلێ دیارە دێ تێچوەکا زوور هەبیت و زیانێن مادی و مروڤی بو هەر دوو لایان هەبن .
رەنگە ئەمریکا ب رەنگەکی نەراستەوخو شەری بکەت ئەویش وەڵاتێن نەیار دژی وێ کاربینت یان دێ ئوپوزسیونا نافخوی و جەماوەرێ وێ دژی حکومەتێ کارئینت هەر ژ بەر هندێ رابیە ب دوورپێچێن ئابوری بو هندێ جەماوەر رابیت سەر پێیان ، ب ڤێ دێ ئێرانەکا ئاژاوە بەرهەم هێت وەکی ڤان وەڵاتێن عەرەبی کە تژی کێشەیێن نافخویە ، ئەڤە یا گرنگە بو وان دێ ئامانج و بەرژوەندیێن ئەمریکا پتر پاراستی بن بەراورد دگەل شەری کە دێ تێچوەکا زوور بیت و ئامانج زحمەترە .