سەید ئەكرەم

حاكم گوران، هه‌رچه‌نده‌ من ناس نه‌دكر، لێ ئه‌و بخو هه‌م به‌رنیساس بوو، هه‌م ژی روشمیر و خه‌باتگێر بو! نه‌خاسم ل ده‌ستپیكێ، وه‌كی قوتابیه‌ك و په‌روه‌رده‌ كریه‌ كێ حزبا شیوعی و ل سه‌ر رێبازا(لینین – ماركس)، ئه‌ڤه‌ وێ دگه‌هینیتن شاره‌زایه‌كٍێ هشمه‌ند و زانایه‌كێ تێكوشه‌ربویه‌، یانی زانا و دانا بویه‌، تێگه‌هشتی و پێگه‌هشتی بویه‌...ئێكه‌مین به‌رنیاسینا وی بو من ل ریفراندوما 2016 بویه‌، ئه‌ز باوه‌رم ژی خه‌لكه‌كێ زور ژی ل وی ده‌می نیاس كر، ژ بلی یێن وی ناس كرین و خه‌بات و قوربانی پێكڤه‌ داین...من ل ڤێره‌ دڤێتن تشته‌كی، دیتنه‌كێ ل سه‌رڤی ئینسانی بنڤێسم، ئه‌ڤ نڤێسینا من نه‌ هه‌لسه‌نگاندنه‌كه‌ بو وی، نه‌ژی مافداریه‌كه‌ ئه‌ز دێ ده‌مه‌ وی، چونكی ئه‌و كار نه‌كارێ منه‌ و دبیتن ژی من ئه‌و شیان ژی نه‌بن(داخاز ژی دكه‌م، كه‌س و كارێن وی، دوست و تێكه‌لێن وی، خوینده‌ڤانێن هێژا...ل كێم و كاسیێن من ژی نه‌گرن..)، ئه‌وا من دڤێتن بتنێ، دیتنه‌كه‌ و ل سه‌ر رویدانه‌كا دیار كریه‌، بێ شكه‌ ژی ئه‌ڤ رویدانه‌، رویدانه‌كا جه‌رگ برو و مشتی كول و كه‌سه‌ره‌! هیڤیدارین جهێ وی به‌هشت بیتن، خودێ سه‌بر و هه‌دارێ بده‌تن كه‌س و كار و دوست و تێكه‌لێن وی، تشته‌ك بو، هاته‌ رویدان، خوزیكا نه‌هاتبایه‌ رویدان...!
بهه‌رحال، دله‌ك سوتی، قه‌هر و كه‌ده‌رێن خوه‌ دامركاندن! دلێ خوه‌ شه‌وتاند! روحا خوه‌ ئه‌زیه‌تدا! نه‌دبو ئه‌ڤه‌ هاتبایه‌ كرن! ئه‌ڤه‌ رویدانه‌كا دلته‌زینه‌! رویدانه‌كا دلێنیه‌! حه‌ژێكرنێ(عاتیفێ) كونترولا هه‌ستان كریه‌! هه‌ست دبریندارن! دیاره‌ برین بكه‌ده‌ر و دژوارن! شه‌ڤ تاریا روژێیه‌! شه‌ڤێ روناهی یا كوشتی! برین بدختوران، بنوژداران ده‌رمان دبن! لێ شه‌ڤا ره‌ش! شه‌ڤا غه‌دار نه‌هێلا ببیتن روژ! نه‌هێلا نوژدار بگه‌هیتن برینداری! برین ئازریا بو نه‌هاته‌ كه‌واندن و ده‌رمان كرن! فیغاد و نالێن نه‌بون هه‌وار! هه‌وار گیر و بو نه‌كه‌هشتێ! گازی نه‌گه‌هشته‌ ناڤا گوهێن نوژداری! ئه‌ی نوژدار، ل كیڤه‌بوی! بو چی گیروبوی! تو بو چی نه‌بویه‌ بانگین! بو ل هه‌وارێ نه‌هاتی! بو چی ته‌ هێلا گوران گولا به‌رده‌تن سینگێ خوه‌! هێشتا ئه‌و برینداره‌! برین ل سینگیه‌ و ل لایێ راستێ! چه‌پ ساخله‌مه‌، هیڤی خازین رست ژی، زوی ساخله‌م ببیتن، نه‌مریتن! جاره‌كا دی گوران ساخ ببیتن! لێ گه‌ر ساخ بو! ئێدی بلا نه‌چیتن سه‌رێ مه‌تینی! بلا نه‌چیتن ده‌رڤه‌ی باژێری! ده‌رڤه‌ی باژێری ل وی ناهێتن! جاره‌كا دی دێ هه‌ستێن وی بزڤن! حه‌زكرن دێ سیاری هزران بیتن! هزر دێ هێنه‌ دسه‌ردا برن! بلا ل باژێری بیتن! باژێر شارستانیه‌ته‌! جهێ ویه‌ و وارێ ویه‌! ئه‌و نابیتن ل گوندا بیتن! گوند ل وی ناهێن! دێ گوند وی كرن! دێ وی خافله‌ كه‌ن! جاره‌كا دی دێ ده‌ستێ خو ده‌تن چه‌كی! كلاشینكوجاره‌ك دێ، دێ هه‌لگریتن! ئه‌و چه‌ك نه‌یارێ ویه‌! كلاشینكوفێ سینگێ وی یێ سمتی! به‌لكی نه‌مربیتن و دا جاره‌كا دی ژی نه‌مریتن! بلا ئه‌و یێ ساخ بیتن! دا خزمه‌تا ساخان بكه‌تن! ساخا راكه‌تن سه‌ر پیا! به‌لكی رێكه‌كێ و رێگه‌ چاره‌سه‌ره‌كێ په‌یدا بكه‌تن! رێك بو ژارا، بو هه‌ژارا! حاكم حه‌كیمه‌، دڤێتن حكمه‌ت و دادیی وی هه‌بن! پێگه‌هشتن و تێگه‌هشتنێ پیاده‌بكه‌تن! رێڤه‌به‌ریه‌كا لائیق بكه‌تن...!!
ئه‌رێ گه‌لا! ل ڤی وه‌لاتی! لناڤا ڤی ملله‌تی! چه‌ند حاكم گوران هه‌نه‌! چه‌ند مروڤێن هه‌ست بریندار هه‌نه‌! چه‌ندا ڤیایه‌ خو بكوژن! لێ وان خونه‌ كوشتیه‌! وه‌لات، گه‌ل، دوزا مروڤایه‌تی! دوزه‌كا بحه‌قه‌! وه‌لات و گه‌ل پێتڤی قوربانیایه‌! لێ نابیتن، قوربانی هوسان بهێنه‌ دانێ! هه‌ر مریه‌كێ ڤێ ئاخێ دڤێتن بده‌هان و بسه‌دان كه‌سێ دی بژینیتن! خودان بكه‌تن، په‌روه‌رده‌ بكه‌تن و پێ بگه‌هینیتن! هه‌ر كوشتیه‌كێ مه‌ ژی، دڤێتن سه‌دان سنێلان لپاش خوه‌ راكه‌تن، سه‌دان برینداران ده‌رمان بكه‌تن! هه‌ر شه‌هیده‌كێ مه‌ ژی! دڤێتن خوینا وی هه‌زاره‌ها دارێن ئازادیێ بخوینا خوه‌ ئاڤبده‌تن، مه‌زن بكه‌تن و خه‌ملا وه‌لاتی دلخاز بكه‌تن...!!
مه‌ گوت قوربانی! مه‌ گوت شه‌هاده‌ت! مه‌ گوت خوین رێتن و شوره‌ش! لێ مه‌نه‌گوت خو كوشتن! ئه‌م ناخازین گه‌لێ مه‌ خو بكوژیتن! كوشتن، مرن، شه‌هاده‌ت، گوری كرن...ئه‌گه‌ر پێتڤی بیتن! ئه‌گه‌ر گه‌ل و وه‌لاتێ رزگار بكه‌تن! لێ خو كوژی، بتنێ خو كوژیه‌! نابیتن ئه‌م خوه‌ كوژ بین! خو كوژی برینان زێده‌دكه‌تن! رونداكان زێده‌ دكه‌تن، ده‌ردو به‌لا زه‌حف دكه‌تن! ئه‌م وێ ناخازین، ئه‌و چاره‌ نینه‌! ئه‌و بێچاره‌ترین چاره‌سه‌ریه‌...!!
له‌و جاره‌كا دی دبێژین! هیڤی دكه‌ین! گوران نه‌مریتن! زی ساخ ببیتن! ساخ و ساخله‌م ببیتن! ل سه‌ر خوه‌، بعه‌قل و زانینا خوه‌، بو گه‌لێ خوه‌، بو وه‌لاتێ خوه‌، ببیتن خزمه‌تكار! ببیتن دیوار و په‌رجان! 
ئه‌گه‌رخودێ نه‌كه‌تن...چوو ره‌حمه‌تێ ژی، هیڤیه‌ ئه‌و قه‌د نه‌بیتن! لێ ئه‌گه‌ر بو! هزار ره‌حمه‌ت ل سه‌ر روحێ و ژخودێ دخازین به‌هشتی بیتن!
كه‌س و كارێن وی ژی بسه‌ربرن! ته‌نا و ره‌حه‌ت بن و هه‌ر دپاراستی بن...!!