كورد عاتیفی و ناسك و خودان روحا لێبورینێیه
2019-04-19 15:56:22
سەید ئەكرەم
خوینده‌ڤایێ هێژا و گراڤی، دڤی بابه‌تی دا، دێ هه‌ست و پێزانین و دیتنێن خوه، ل سه‌ر ڤی بابه‌تی بو هه‌وه‌یێن به‌رێز ده‌مه دیار كرن...هیڤیدارم ژ هه‌وه، هوین ژی به‌شداربن و دیتن و بوچونێن خوه بده‌نه دیاركرن، گه‌لا بوچی گه‌لێ كورد، گه‌له‌كێ عاتیفیی، هه‌ست ناسك و هه‌لگرێ روحه‌كا مه‌زنا لێبورینێیه، تاكو هه‌مبه‌ری مه‌سترین و دورنده‌ترین دوژمن و نه‌یارێ خوه، ئه‌ڤ هه‌ست و ره‌فتاره هه‌نه و تاكو راده‌یه‌كی ژی دنه‌گورن...به‌شداریا هه‌وه هه‌م ئه‌ركه و هه‌میش خزمه‌ته و نه‌خاسم، بو زه‌نگین كرنا بابه‌تی زور گرنگه....!!
دیتن و بوچوونێن من، ل سه‌ر بابه‌تی و زور بكورتی:-
1- ره‌هه‌ندێ شوینه‌وار و شارستانیه‌تی:- گه‌لێ كورد ل وه‌لاته‌كی دژیتن دبێژنێ كوردستان، ئه‌ڤ وه‌لاته دبیتن دل و ناڤه‌ندا دونیایێ، رۆژهه‌لات و روژئا، باكور و باشورێ دونیایێ پێكڤه گرێده‌تن وخودانێ خوه زه‌نگینترین و زێرینترین سه‌رچاوه‌یێ مروڤی و سه‌روسامانێ سروشتیه(چ لبن ئه‌ردی و چ ژی ل سه‌ر ئه‌ردی)، هه‌ردیسانێ سروشته‌كێ جوان و دلڤه‌كه‌ر هه‌یه، هه‌ر چار وه‌رزێن سالێ لێ هه‌نه، زستان باراناوی و به‌فرینه، هاڤین گه‌رم و بهاڤینه‌هه‌واره، به‌هار دلڤه‌كه‌ر و ره‌نگین و تژی گول و گولزار وفه‌راشینه، پائیز به‌لگباره و مشتی فێقی و به‌رهه‌مداره..سروشته‌كی جوانه، چیا، دول، نه‌هال، ده‌شت و چیمه‌ن، سیپه‌ل و رویبار، جوك و كانی و جوبار ، دار و گیا و دارو بارێ هه‌می جور و ره‌نگ...سروشت مشته ژ شوینه‌وار و كلتورێ هه‌می ره‌نگ و هه‌می ئالی...كه‌لهه، ئاش، ئاڤاهی، شویرهه، كوته‌ل و به‌رئاش..كه‌نیسه و ئاته‌شكه‌ه(ئاگردان)، مناره و مزگه‌فت، قه‌برستان و كه‌ڤناری...ئه‌ڤه ده‌لاله‌تا دێروكه‌كا كه‌ڤنار، شارستانیه‌ته‌كا هه‌می جور و هه‌می ره‌نگی، پێكڤه‌ژیان و هه‌می دێروكه‌كا تژی پێكدادان و بشه‌ر و شور...وێرانكاری و بسه‌ركدا هه‌رفتن و كوچ و كوچبه‌ری و بسه‌رداگرتنێن بێ یه‌مان و هه‌ست هه‌ژین...یانی كاره‌ساتبار، كوشتارگه‌ه، بێ دادی و هه‌مژی زولم و زورداریه‌كا هه‌ری زور...ژیانه‌كا به‌رده‌وام و دور و درێژ لبن ره‌وش و ئه‌گه‌رێن گران و هه‌ری تژی ژكه‌مباخترینێ ئاوایێ ژیانا بزه‌حمه‌تی...!!
2- ره‌هندێ دێروك و رودان و سه‌رپێهاتیان، گه‌لێ كورد دوه‌لاته‌كی دا، خودان و مه‌زن بویه، خودان دێروكه‌كا كه‌ڤناره، تژی شه‌روشویر و رویدان و سه‌رپێهاتیێن زه‌نگین و مشتی بویه‌رن، بگره كه‌ڤنارترین دێروگا گه‌لێن سومه‌ر، ئه‌كاد، بابل، ئاشور، میدی، ئیلام، هیتی، ئه‌خمینی، كاشی، لولی، كاردوخی، ئوراتوو، سوبارتوو...دێروكا كه‌ڤنارا ڤان گه‌ل و نه‌ته‌وه و دینان، هه‌م خودان سه‌رپێهاتی و سه‌ربورێن مه‌زنن...هه‌م ژی خودان گه‌ل و دین و مه‌زهه‌ب و هزر و بیرێن زه‌نگین و هه‌می ره‌نگن، ڤان گه‌لێن كه‌ڤنار و شه‌ره‌نیخا وان یا هه‌می ئالی...نوكه ژی گه‌ل و دین و مه‌زهه‌ب و هزر و بیرێن هه‌می ره‌نگی لپاش خوه‌دا بجههێلاینه، واته نوكه ژی ل كوردستانێ و ملل بمللێ گه‌لێ كوردی، پرانیه‌كا گه‌لان(ئاشوری، ئه‌رمنی، كلدانی، ئازه‌ری...(عه‌ره، تورك، فارس)...دگه‌ل مه‌دا دژین...هه‌ردیسانێ ژئولێن كه‌ڤنار(میته‌رانی، ته‌وته‌می، زه‌ره‌ده‌شتی(به‌هدینی)، مانی، مازداكی....)، دینه‌تێن(جوهی، مه‌سیحی، ئیسلام، زه‌ره‌ده‌شتی، مانی، مازداكی، عه‌لی ئیلاهی، عه‌له‌وی، بابی، به‌هائی، یارسانی، ئیسماعیلی، ئێزدی، صائیبه المنداویه....)، لپاش خوه‌دا هێلاینه...ئه‌ڤێ ژی هه‌مه ره‌نگی و دلێنیه‌ك بحه‌زژێكرنی ل ده‌ڤ كوردا په‌یدا كریه...!
3- هزر و بیرو و ده‌رونسازی...كه‌لێ كورد بكومه‌ك ئه‌گه‌را، كه‌ڤتیه بن باره‌كێ گرانێ ئێش و ژانێن هه‌ست و سوزێن ده‌رونی...توشی كوشت و كوشتارگه‌هان بویه، توشی گرتن و لێدان و ئه‌نفال و كیمیابارانان بویه، توشی هجره‌ت و ده‌ربه‌رده‌ریێ بویه...توشی حرمانه‌كا مه‌زن بویه، خه‌ریبیێ هه‌ست و سوزێن وی هه‌رده‌م ئازاراندیبنه، ئه‌ڤێ ئازراندیێن ئه‌ڤینا وی كریه شلق و رویبار، حه‌زژێ كرنا وی بویه ده‌ریا و جوبار، پێلێن خه‌ریبی و ژانێن خه‌ما گه‌میا هه‌ست و هزرێن وی داگرتینه ژ ره‌حمێ، ژ ناسكیێ، ژ حه‌زژێ كرنێ...ئه‌ڤێ چه‌ندێ بوركانه‌كا ڤیانێ ل ده‌ڤ دروست كریه، ئه‌ڤ بوركانه هوریایه، بسه‌ر كول و خه‌ما داگریته، ئێش و ژان دگه‌ل خوه‌دا رامالینه...هه‌ست و ئاریانێن خراب، هه‌می كرنه چاكی، كرنه حه‌زژێ كرن، كرینه لێبورین....بویه گه‌لێ كورد ناڤداریا لێبورین، ره‌حم و ڤیان دخودا ئاڤاكرینه، قێری ژیانا بهه‌رایی و تژی حه‌زژێكرن بویه...!
4- ڤان پرسێن ل سه‌ری و هنده‌كێن دی، هه‌ل و مه‌رجێن ده‌رونی، شوینه‌واری، ژینگه‌هی، جوگرافی، جیوپوله‌تیكی، جیوجڤاكناسی، جیوزانستی...بمه‌ودا و پێره‌هێن مه‌زن و به‌رفرهه ل ده‌ڤ تاك و گه‌لێ كوردی، دروست و ئاڤه‌دانی كرنه، بوی ئاوایی...كورد راهاتنه، فێربوینه، مه‌زن بوینه، ژ كه‌ربێ، ڤینێ دروست بكه‌ن، ژ دوژمنكاریێ هه‌ڤالدوستیێ دروست بكه‌ن، كوشتن و مرنێ بكه‌نه ژیان و پێكڤه‌ژیان، شكاندن و هه‌رفاندنێ بكه‌نه سه‌ركه‌ڤتن و سه‌رفرازی...ئه‌ڤێ ژی مژارێن خوه یێن باش و خراب هه‌نه، یێن خراب(ناسكی و دلێنی و حه‌زژێكرنا كوردا...بویه چه‌ك و مه‌تال بو نه‌یار و دوژمنان هه‌رده‌م دوربێ خو ل پشتا مه بده‌ن و پشكا هه‌ری زورا جاران كورد بخه‌ساره‌ته‌ك مه‌زن ژیاری و هه‌ڤركیان ده‌ربكه‌یتن و ببیتن یاریكه‌ره‌كێ دورایی...)، لێ بمن وه‌ره تشته‌كێ دیێ هه‌ری بالكێش و چاك و مه‌به‌ست ئامێزی ژی هه‌یه، ئاوێن ژیانێ، ده‌رفه‌ت و ژیانه‌وه و خوگرتن ژی ل ده‌ڤ كوردا مشه كرینه، كوردا خو پێ راگرتیه، ته‌حه‌مولا نه‌خوشیان كریه...ئه‌ڤان ژی هه‌م نڤش و زمان، هه‌م وه‌لات و بهاداری یه‌ك دی، دایه كوردا، كورد بهێز و رامان ئێخستنه، تاكو خو ربگرن و بژین، ل سه‌ر ئاخا خوه، كه‌دا خوه بكه‌ن...ئه‌ڤه ژی باشیه‌ك هه‌ری لائیق و ژینداریه بو كوردا، بویه دهه‌بونا روحو و ڤیان و ناسكیا كوردان دا، ئه‌ز خرابیێ نابینم...به‌لكی باشیا وێ زورپێتره ژ خرابیێ، چونكی هه‌رهیچ نه‌بیتن..یا چووی چوو..لێ یامایی زوردتره، ده‌رفه‌تێن باش، سه‌ربورێن باش، ئه‌قلداریا باش، هێزا باش، پێكڤه‌ژیانا باش، شاره‌زاییا باش...بو گه‌لێ كورد باش زێده كریه، بیاڤه‌ك و رێكه‌كا مه‌ند و راست و روهون ل به‌ر مه، باش بخومالی ئاڤاكریه...بتنێ ئه‌و دمینیتن...بئه‌قلداری، بسه‌برو بیرمه‌ندی، ببین خودان رێك و به‌رنامه و ل سه‌ر پیاده‌كرنه‌كا باش كار و به‌رنامه‌یێن خوه، باش كار بكه‌ین و نه‌كه‌ڤین و نه‌وه‌ستین و به‌رده‌وام بینن، ده‌رفه‌تا وه‌ربگرین و هندا نه‌كه‌ین..!!
مایه بتنێ ببێژم(( كورد راسته عاتیفیه، ڤینداره، خودان لێبورینه، ناسكه و بهه‌ست و سوزه، روحا پێكڤه‌ژیانێ زه‌حف ل ده‌ڤ هه‌یه..))، لێ ئه‌ڤه بنیاته‌ك و سه‌رگوزه‌شته‌یه‌كێ زه‌نگینه و خراب نابینم...!!
.gif)
.gif)
.jpg)
.png)
.jpg)
.jpg)
