عەدنان زێباری 

ئەگەر ئەم چەند لاپەرەک مێژوا حکومەتا بەعس هەڵبدەین دێ بینی زوور لاپەرێن رەش هاتینە تومارکرن دژی گەل و ئولێن جودا ، ڤی رژێمێ رێک نەددا ژ بلی حزبا بەعس کەسێ دی هەبیت ، کەسەک دیڤچویێن رێباز و پروگرامێ بەعس نەبا توندی دژی وان کەسا دراوستیا ،  رەخنە رژێما بەعس نەدهات قەبیل کرن ، ئانکو دشێین بێژین سیاسەتا بەعس ئەو بی هەر کەس دگەل وان  دوستە یێ دگەل وان نە دوژمنە 
پرسیار ئەوە بو ئەمریکا و هەڤپەیمانێن وێ پشتی ڤان هەمی تاوانێن رژێما بەعس دکری دژی گەلێ عێراق تایبەت کوردا سنورەک بو نەدانا ، دەمێ ئەنفالێن دژی کوردا و کیمیابارانکرنا هەلەبچە جیهان بێ دەنگی نیشان دا ، سەروکێ ئەمریکا جورج بوشی باب گوت کێشەکا نافخویە! ، شەرێ سەدامی دگەل ئێران و دیڤ دا دگەل کوێت هەمان دەم دا سەرهەڵدانێن خوارێیا عێراق و گەلێ کورد دژی سەدام ساڵا1991 رژێما بەعس هەر ما و نەهات ناڤبرن .
پرسیار ئەوە بۆ بریار هات دان ساڵا2003 رژێما بەعس ب شەر ناڤببەن ، وی دەمی ئەڤ رژێمە حەتا ئاستەکێ نەرمتر بوو بەرێ و چ تاوانێن مەزن نەهاتبوون ئەنجام دان ، ب هەر حال زووربەیا عێراقیا ب گشتی و وەڵاتێن دەوروبەر ڤێ بریارێ پێ خوش بوو چونکی تاوانێن رابردوو دلێ خەلکی رەش کر بوو ، خەلکێ عێراقێ هیڤی بوون کە پشتی روخاندنا رژێما بەعس ئێدی دێ کەڤن ناڤا نازو نیعمەتان دا ، هەر تشت دێ باشتر بیت ، تشتەک نامینت ناڤێ دیکتاتوریەت و نەدادپەروەریێ ، ئازادی رادەربرین دێ گەهیت لوتکێ ، رەوشا ئیمناهیێ دێ باشتر بیت ، بەلێ پشتی روخاندنا رژێما بەعس ئەڤ هزرە هەمی بینە خەون ، سەدان هزار کەسان ئەڤ خەونە دگەل خو برنە ناڤا گوری دا ، پشتی ساڵا 2003 روژەکا رەش سەر عێراقێ هات خارێ تایبەت بوو سنان ، هەر روژ  جەرگێ مالباتەکێ دسوت ، هەر کولانەکی تازیەک هەبوو ، روندکێن خەلکی وەکی کانی هشک نەبوون ، چاروکێن رەش پر ببون ناڤا سیکێ ، هەر روژ خەلک سەر جادەیان ب دراندانە دهاتن کوشتن ، ب جورەکێ مروڤ چ بهایەک نەما ، 
مەسەلا ئاڤەدانی و خزمەتگوزاری سەرەرای بودجەکی مەزن بەلێ هەمی دچیت خزمەتا کەسانەکێ دا ، عێراق دنالیت پێشکەشکرنا خزمەتگوزاریێن دەست پێکی ،  عێراق ئێکە ژ دەه وەڵاتێن پاشکەفتی و زوورترین هەژار و بێ کار تێدا هەنە ، ئەڤە هەر هەمی ئەنجامێ ڤی شەری بوون ، هەڤپەیمانا نەشیا رەوشا خەلکی باش بکەن و بەلکی خرابتر بەرێ ، هەر دیسان نەشیا حکومرانێن باش دانێت بەلکی ب تنێ گوهرینا سەروچاڤێن دیکتاتورەکێ بوو ، پشتی ڤێ بیە لافاوا دیکتاتورا .
هەر ئەنجامێن ڤێ رەوشا عێراق بیە ئەگەر رێکخراوا داعش ب ساناهی ڤان دەڤەرێن عێراق کونترول بکەت ، ئێک ژ وان ئەگەرا خەلکەک پەیوەندی دگەل ڤێ رێکخراوا تیروری بکەت ژ بەر ڤان نەهامەتیا بی کە تیشی خەلک ببوو چونکی خەلک گەهشت بیە لوتکا بێزاریێ وێ رەوشا عێراقێ .

هەر چەند ئەم دشێین بێژین بو کوردان پشی شەرێ ئەمریکا و عێراق تا ئاستەکێ زوور باش بوو چونکی کورد خودان پێگەهەکێ هێز دەرکەفتن عێراقێ ، دەڤەرێن کوردا تا ئاستەکێ باش بەرەڤ پێشچون خو دیت ، هەرێما کوردستان مەترسیا درندەکێ خلاس بوو ، لێ ناهێت ڤەشارتن وەکی پێتڤی نیە بەلێ دشێین بێژین عێراقێ باشترین .
ئەگەر 9 نیسان رزگارکرنا عێراقێ بیت ، خەلک نەفرەتا ڤان جورە رزگارکرنا دکەن چونکی تەمو و مژەکێ سەر عیراقێ دا گرتیە ، روژ ب روژ عێراق بەرەڤ پاشڤە دچیت ، عێراق بەرەڤ خرابونە نە ئاڤابوون ، عێراقێ چ سیادە و سەنگ نەمایە دەڤەرێ هەر دەما وەڵاتەکێ بڤێت دێ هێت ناڤا خاکا عێراقێ ، جورەکێ نوکە عێراق کریە گورەپانەک بو بەرژوەندیێن خو ، دشێین بێژین عێراق هاتیە داگیرکرن ، لایەکێ دی هێزێن سیاسیێن عێراقێ فەرمان ئاغایێن خوە وەردگرن خودان بریار نینە.