عەدنان زێباری     

پشتی سەرهەڵدان جەماوەری هەیڤا سێ 1991 هاتی ئەنجام دان کوردستانێ کە زووربەیا ئەردێ باشورێ کوردستان هاتن رزگارکرن ، رژێما حکومەتا بەعس ب ناچاری و ب هێزو تورەی کوردستانێ هاتە دەرکرن ، ئەڤ ئەردێ رزگارکری بو چەند روژان کەفت بن دەسەڵاتا بەرەی کوردستانی ، بەلێ زوور پێ نەچوو دەست پێکا هەیڤا نیسانێ جارەکا دێ لەشکرێ رژێم ب چەک و ئەسلیەحەکێ مەزن ڤەگەرا ، جەماوەر و هێزێن پێشمەرگەی نەشیا خو بەر سینگێ وان بگریت و توشی جۆرەکێ شکەستن هاتن ، لێ وەکی چەوا سەرهەڵدانا جەماوەری هەمی رەنگان دژی رژێم راوستان ، ئەڤ جارە هەڵوێستەکێ دی نەرازیبونی هەمیان پێکڤە ئەڤ دەسەڵاتە رەتکر ئەو بی کوچا ملیونی ئەنجام دا .
کوچا ملیونی بو سنورێ تورکیا و ئێران زوور کارەساتێن مروڤی مەزن خوڤەگرتن کە هزاران کەس بینە قوربانی ژ بەر هێرشێن رژێم لایەک و لایەکێ دی ژ بەر کەش و هەوای سار ، ئەڤە بەشەکە ژ وان کارەساتێن سەر مللەتێ کورد هاتی ، بەلێ زوور پێ نەچوو ئەڤ کارەساتە بیە بەشەکێ گرنگ ژ مێژووێ و ناساندنا دوزا مللەتێ کورد جیهانێ ، دەنگ جیهانێ ڤەدا و جادەیێن جیهان هەژاندن ، نەچاری وەڵاتێن جیهان هاتن سەر هێلێ و بریار دا سنورەک بو رژێما بەعس دانن ، ڤێ بریارا ئەنجومەنا ئاسائیش یا دژە فرین دەسکەفتیەکێ گرنگ بی کە هەتا ئەڤروو کار پێ دهێت کرن و شەرێ داعش دا هات سەلماندن .
ڤێرە من دڤێت یا گرنگ دیار بکەم ئەویش ئەوە ئەگەر جەماوەری ئەڤ کوچە ئەنجام نەدابا چ دەنگ ڤەدانەک جیهانێ درووست نەدبوو ، دەسکەفتی و داخازیێن خەلکی سەرهەڵدانێ دا بێ ئەنجام و بێ بەرهەم دبون ، ژ بەر کو کوچکرنا خەلکی رەتکرنا دەسەڵاتا حکومەتێ بوو ، هەر ئەڤە ئەگەر بوو کە پشتی دەمەکێ ڤەگەرانا دەسەڵاتا رژێم بو دەڤەرێ جارەکا دی ئەو ب خو دام و دەزگەهێن خوە چوڵکرن و توشی شکەستنەکا مەزن بیەڤە  ، چونکی زووربەیا خەلکی نەمان و رازی نەبوون بن دەسەڵاتا حکومەتێ بژین ، حوکم مروڤان دهێت کرن ،  بەروڤاژی ئەگەر خەلک مالێن خو ماباڤە وێ رامانێ دگەهینت کە خەلک ب هەر رەنگەکێ بیت بێ دەنگە و رازیە ڤێ دەسەڵاتا زاڵم ، ب ڤێ رەنگی دا رژێم جارەکا دی وەکی بەرێ دەسەڵاتا خو باشورێ کوردستان قایم کەتەڤە ، چ دەسکەفتی و حکومەتێن کوردی باشورێ کوردستان نەدبوون ، کەواتە ڤێت بزانین باشیا کوچکرنێ گەلەک زوورە ، راستە روژەکا رەش و ئێش و ئازار بوو لێ پر دەسکەفتیە ، دیماهیک دڤێت ئەڤە یا روون و ئاشکرا بیت و دەرس وەربگرین کە یەک دەنگی و یەک هەڵوێستیا هێزێن سیاسی و جەماوەری ب تنێ دێ شێین بگەهین ماف و داخازیێن خو