عەدنان محەمەد تاهر زێباری         

سەرهەڵدانا کوردستان ب گشتی ساڵا1991 ئێکە ژ رووداوێن هەرە گرنگ مێژوا کوردستانێ دا ، ڤێ سەرهەڵدانا جەماوەری دژێ رژێما بەعس یا دیکتاتور هات کرن ، کە دەسەڵاتا وی دەمی دان پێدانا مافێن کوردان نەکرن ، هەر تشت بن کونترولا وان دا بوو ، نەشیا خزمەت هەمی نەتەوەیێن جودا بکەت ، رێک نەددا هەلبژارتنێن دروست بهێن کرن هەمی هێزێن سیاسی بەشدار بن ، ژ بلی ڤی کوشتن و سوتن و دەربەدەریا خەلکی کوردستان و خوارێیا عێراق تایبەت (شیعەیان) درێژە کێشا ، ڤێ دەسەڵاتا دیکتاتور تاوان سەر تاوانێ زێدە دکر و پێنگاڤ بو چارەسەریا وێ نەهاڤێتن ، ژ بەر هندێ ئەڤە هەمی بینە ئەگەر کە خەلک دژی راوستیت و سنورەکێ بو دانن .
 جەماوەرێ کوردستانێ پشتەڤانیا پێشمەرگەی شیا بگەهیت بەشەک ژ وان ئامانجێ ، کە سەرهڵدان دوو ئامانجێن سەرەکی پێ هەبوون .ئێک رزگارکرنا ئەردێ کوردستانێ کە کورد خو رێڤەببەن . دوو هێنانا دیموکراسی و دادپەروەری و سەروەریا یاسایێ . هەرچەندە ئەنجامێن وێ دا هەتا ئەڤروو شیایە بەشەکێ ئەردێ کوردستان رزگار بکەن ، دەسەڵات کەفت دەستێ کوردان دا ، لێ بەشەکێ کوردستان نەهات رزگارکرن تایبەت کە ئەو دەڤەرێن ئەڤروو دەڤەرێن ڤەقەتیایی بەرنیاسن ، بەرپرسێن مە کورێن کوردستانێ بوون بەلێ نەشیانە وەکی پێتڤی جەماوەری کوردستان رازی بکەن ب کور و کچێن خو حساب بکەن ، مەسەلا دیموکراسی و دادپەروەری وەکی دیڤ دا هاتی هەم کارێن دلخوشکەر بوون و هەم کارەساتێن دلتەزین ، دژی وێ ئامانجێ کە جەماوەری وەکی دروشم بلند کربوو ، ئەویش دامەزراندنا حکومەت و پەرلەمانێ کوردستان پێنگاڤەکا باش و دلخوشکەر بی ، لێ ئەڤ حکومەتە و پەرلەمانە وەکی پێتڤی خزمەت جەماوەرێ نەکریە  ، مللەت ژ دەسەڵاتا کوردی نەرازیە چونکی دەسەڵات بەروڤاژیا وان داخازیێن سەرهەڵدانێ هەی سەرەدەریەکا نەتەندروست دکەت ، داهاتێ کوردستان یەکسانی ناهێت دابەش کرن ، چینەک هەژار و بێ دەسەڵات و چینەک دەسەڵات و دەوڵەمەند ، تەنانەت زوور کار گەهشتی وی ئاستی بەشەک جەماوەری دوو دل بیت ژ وێ سەرهەڵدانا کری و هەر ئەڤرو خوپیشاندان دژی دەسەڵاتێ دکەن ، 
بو هندێ جەماوەرێ نەرازی دژی دەسەڵاتا کوردی نەراوستیت ، پێتڤیە دەستا دانن سەر برینا بو چارەسەریا وێ ، پێتڤیە دەسەڵات پێداچونێ غروریا خوەدا بکەت ، لاپەرەکا چاکسازی هەڵبدەت ، هەمی هێز و لایەنێن سیاسی دگەل ئێش و ئازارێن مللەتی دا بێن ، ناکوکی و شەرە پوست و پلە وازێ لێ بینن ، حکومەت کەڤیت خزمەتا هاوڵاتیان دا و داهاتێ وەڵاتی یەکسانی بو هەمیان بیت ، هاوڵاتی هەست بکەت کورێ ڤێ وەڵاتیە ، دا بەرمبەر دا هاوڵاتی هەست بەرپرسیارەتی بکەت و بشێت خزمەت وەڵاتی بکەت و ئەو دەسکەفتیێن هەیی بپارێزیت ،