عەدنان زێباری 

{يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ} [البقرة:183] هەیڤا رەمەزانا پیرۆز قوتابخانەکە زۆر تشتان نیشا مرۆڤی ددەت. پەیامەکە بو خو زڤرینا مروڤان کە چاکسازیی کارێن خوە بکەین . نیشا کومەڵگەهێ ددەت کە بەرەڤ پەروەردە و فێرکرنەکا راست و دروست بچن ، دبێژیتە مە ڤێت هەر تشتی باشتر بکەین ژ بەرێ. ڤێجا رێکا زمان، دل ،دەست .... هتد کە دڤێت هەر کەس ژ مە پاراستی و سەلامەت بیت. رەمەزان وانەکە بۆ رۆژیگران کو فێری زۆر تشتان ببن. ژ بلی واجبەکێ ئائینی کو ئەو ژی ڤەگەریانە بۆ لایێ خودێ و گوهداریکرنا فەرمانێن وی دەرگەهەکێ سەرەکیە بۆ ل خۆ زڤرین و چاکسازیێ. دیسان لایەنێ ئابووری و ‌ئاشتەڤایا کۆمەڵایەتی باشتر دکەت. مخابن زۆر کەس دپەیاما ڤێ هەیڤا پیرۆز نەگەهشتینە یان ب دروستی کار پێ ناکەن. ژ ڤێ هەیڤێ چ وانەکێ فێر نابن و ویژدان و ناخێ وان نالڤیت و دەستێ هاریکاریێ درێژ ناکەن. ژ بەر هندێ ل خۆ نازڤرن و بەردەوامن ل سەر کارێ نەدروست. بگرە زۆر کەس ڤێ ب دەلیڤە دبینن ب تایبەت بۆ کارێ بازرگانی و خەلکی نێچیر دکەن.
گرنگترین ژ وان خالا ب کرداری کە مرۆڤ فێری دبیت و نیشا مروڤی ددەت ب کورتی و پۆختی ئەویش ئەڤەیە: نیشا مرۆڤی ددەت کو دڤێت ئەم ل ئێک و دوو ببورین، کومەڵگە پێتڤی لێبورینە کو ئێک و دوو هەمبێزبکەین، سەرەرایی جیاوازیان لێ وازئینان ژ دووبەرەکی و تاوانێن رابردوو دەرمانە بۆ چارەسەریان.کۆمەلگەهێ مە ئەڤرۆ پتر هەر رۆژ پێتڤی لێبورینە ب تایبەت هێزێن سیاسی دگەل هەڤدوو چونکی تێکچونا پەیوەندیێن وان مللەتەک دبیت قوربانی.
مرۆڤ تێدا فێری هاریکاریێ دبیت کو ئەو ژی ‌دانا زکاتێ یە بۆ کەسێن پێتڤی و هەژار. ئەڤرۆ زۆر وەڵات کەفتینە ناڤا قەیرانێن ئابووری ب جۆرەکێ زۆر کەس دنالن ژ پەیداکرنا پاریەکێ رۆژانە. هەرێما کوردستانێ کو تویشی قەیران بوویە ، موچەیێن موچەخورا دەمێن خو ناهێن ، دیسان دەرفەتێن کاری کێم بوونە ، هاتنا هەیڤا رەمەزانێ و دانا زکاتێ تا ئاستەکێ باش پێتڤیێن خەلکی هەژار پر دکەت، ب ڤێ رێژا هەژاری بەرەڤ کێمتر دبەت. 
زاڵبون ب سەر حەزو ئارەزویێن خوە ، زکێ برسی سپێدێ هەتا مغرب، دویرکەفتن ژ شەهوەتان. ڤێ وانێ مرۆڤ فێری دبیت کو پێداچوونا نەفسا خوە بکەت، مروڤ دیرکەڤیت وان حەزێن خو یێن نەدرووست ئانکو ڤێت عەقل یێ زاڵ بیت سەر دلی. هەروەسا بیرا مرۆڤی دئینت کو پتر دەستێ هەژار و نەدارا بگریت، بیرا مرۆڤی دئینت کو نابیت ئەم نیعمەتێن خودێ ژبیر بکەین و دڤێت هەر سوپاسدار بین.
دویرکەفتنا مرۆڤی ژ هەر جۆرە تاوانەکێ، ڤێجا چ ب رێکا جەستەیی بیت وەکی دزی یان شەڕ .... هتد ، یان ب رێکا دل و ناخێ مرۆڤی بیت وەکی دروو، کەرب، کین، نەڤیان .... هتد. ب ئەنجامدانا ڤێ ژ بلی کو خودایێ خوە دێ ژ خوە رازی کەیی، دیسان دێ پتر سیستەمێ کومەلگەهی رێکخیت کە مروڤ بەرەڤ ئاڤبوون بچیت ، دەمێ مروڤ باش ئاڤابوون دێ وەڵات ئاڤەدان بیت ، دیسان دێ دەروون و روحا تە مرتاح بیت، دێ ڤیان و خۆشەویستی کەڤیت ناڤا کۆمەڵگەهی، کومەڵگەهەکێ نموونە دێ دەرکەڤیت، بگرە ئاستێ تاکە کەسی هەتا دەسەڵاتێ بەرەڤ گۆڕانکاری و چاکسازیێ دچن. دێ پەروەردەکا دروست پەروەردەبیت و فێرێ هەر تشتێ باش بین ، دێ دویرکەڤین ژ هەر تشتەکێ نەشرین و نەتەندروست.
سۆپاس بو بڵاوکردنی ئەم گوتارە