(درەو میدیا):
رۆژی یەكشەممە لە لەندەنی پایتەختی بەریتانیا نزیكەی هەزار كەس بە هاوڕێیەتی سەگەكانیان خۆپیشاندانێكیان بۆ بەردەم پەرلەمان رێكخست و داوایان كرد لە رێگەی ریفراندۆمێكی نوێیەوە لە بڕیاری دەرچوون لە یەكێتی ئەوروپا پاشگەزببێتەوە.
رێكخەرانی هەڵممەتی بەرژەوەندییەكانی گیاندارە ماڵییەكان " ووفریندۆم" دەڵێن لەكاتی چوونە دەرەوەی بەریتانیا لە یەكێتی ئەوروپا ئەو گیاندارانە تووشی نەهامەتی دەبن، چونكە پزیشكی ڤێتێرنەری كەمدەبێتەوە نرخی خۆراكیشیان بەرزدەبێتەوە.