ئارام سه‌عید

یەکەم: بۆچی نەوەی نوێ داوای مۆڵەتی نەکرد بۆ خۆپیشاندانەکە نە لە وەزارەتی ناوخۆ نە حکومەتە خۆجێیەکان؟

دووەم: بۆچی لیژنەی ئەمنی پێش روداوەکە هیچ بڵاوکراوەو راگەیاندنێکی نەبوو لەسەر ئەو هەموو بانگەشەیەی دەکرا بۆ خۆپیشاندان و رەتی نەکردەوە؟ لەکاتێکدا پێش خۆپیشاندان بە چەند رۆژێک هێزە ئەمنییەکان ئامادەکاری تەواویان کردبوو، ژمارەیەکی زۆر لە بانگەشەکارانی خۆپیشاندان دەستگیرکران یان رفێنران؟

سێهەم: هەمیشە خۆپیشاندان دەستی پێکردووەو کاتی زۆری خایاندووە دواتر توندوتیژی رویداوە، بەس ئەمجارە یەکسەر بە توندوتیژی هیزە ئەمنییەکان دەستیپێکردو خۆپیشاندەران هەرزوو رایانکردو ئەوەی مایەوە دەستگیرکرا!

چوارەم: دەرئەنجامی ئەم خۆپیشاندانە چی بوو؟ کێ سودمەند بوو دەسەڵات یان خۆپیشاندەران؟

پێنجەم: ئایا ئەوەی بە رەوتی سەدر دەکرێت نەوەی نوێ دەتوانێت بیکات؟

شەشەم: کۆپیکردنی خۆپیشاندانی بەغدا بۆ کوردستان گونجاوە؟ ئایا دەسه‌ڵااتی بەغدا دیموکراسییە کە خۆپیشاندانی رەوتی سەدر سەرکوت ناکات یان سەدر خاوەنی سەربازو چەکەو ناوێرن سەرکوتی بکەن؟

حەوتەم: بۆچی لایەنەکانی تری ئۆپۆزیسیۆن لەهەرێم نەچونە پاڵ بانگەشەی نەوەی نوێ؟ ئایا خۆپیشاندان دەتوانێت چی گۆرانکاریەک بکات لە کوردستان؟ کاتی ئەوە نەهاتووە پێداچونەوەیەک بکرێت بەو میکانیزمەو بیر لە شیوازی تر بکرێتەوە؟

هەشتەم: بۆچی کاردانەوە نێودەوڵەتییەکان لاواز بوون لەبەرامبەر ئەو ژمارە زۆرەی رۆژنامەنوس و چالاکوان کە دەستگیر کران؟ ئایا ئەوان چاوەڕێن کێشەکانی بەغدان چارەسەر بێت و نایانەوێت لە هەرێم کێشە هەبێت؟