هەواڵ
چوار لایەن: ئۆفێسی سلێمانی كۆمسیۆن ساختەكارییەكان دەشارێتەوە
بڵاوکراوەتەوە لە : 25 ئایار 2018
قەبارەی دەقەکان
قەبارەی دەقەکان
سندوقی نیشتمانی ئەمریکا بۆ دیموکراسی پاڵپشتی دارایی درەو دەکات
سندوقی نیشتمانی ئەمریکا بۆ دیموکراسی پاڵپشتی دارایی درەو دەکات
هەواڵ
بڵاوکراوەتەوە لە : 25 ئایار 2018
قەبارەی دەقەکان
قەبارەی دەقەکان
(درەو میدیا):
ژوری هەڵبژاردنی بزوتنەوەی گۆڕان و هاوپەیمانی بۆ دیموكراسی و دادپەروەری و كۆمەڵی ئیسلامی و یەكگرتووی ئیسلامی بەیاننامەیەكی هاوبەشیان بڵاوكردەوە.
لە بەیاننامەكەدا ئەو چوار لایەنە سیاسییە دەڵێن: ماوەی دوو رۆژە ئۆفیسی پارێزگای سلێمانی لەرێگای نێردراوەكەیەوە بۆ بەغداد، وێنەی كارتی دەنگدانەكانی بە ئەلكترۆنی و لەسەر "هارد دیسك" وەرگرتوە، بەڵام بە بیانووی جیاواز جیاواز و بە هۆكاری نادیار دەستی دەستی بە نوێنەری لایەنەكان دەكات.
ئاماژە بەوەدەكەن، پێنەدانی وێنەی ئەلیكترۆنی كارتی دەنگدان بە لایەنەكان ئەو راستییە دەخاتە بەردەم لایەنەكان كە هەوڵەكان لەپێناو نەگەیشتنی وێنەی ئەلیكترۆنی كارتی دەنگدان، بۆ دەستكاری كردنیانەو هەوڵێكی جدییە بۆ شاردنەوەی ساختەكارییەكان.
ژوری هەڵبژاردنی چوار لایەنەكە باسلەوەدەكەن، هەوڵەكانی ئۆفێسی سلێمانی لەچوارچێوەی پلان بۆ داڕێژراوی ساختەكردنی سەرجەم بەڵگەو دیكۆمێنتەكانی كۆمسیۆنە، كە تایبەتە بە هەڵبژاردنی ئەنجومەنی نوێنەرانی عێراق.
دوای فشارو ناڕەزایەتییەكان دژی گومانی ساختەكردنی پرۆسەی هەڵبژاردن، كۆمسیۆنی باڵای سەربەخۆی هەڵبژاردنەكان بڕیاریدا وێنەی ئەلكترۆنی كارتی دەنگدان بە لایەنە سیاسییەكان بدرێت بۆ دڵنیابوون لە ئەنجامەكان.
