هەواڵ
سایتی فەرمی پارتی هەواڵێك دەسڕێتەوە
بڵاوکراوەتەوە لە : 6 ئاب 2019
قەبارەی دەقەکان
قەبارەی دەقەکان
هەواڵ
بڵاوکراوەتەوە لە : 6 ئاب 2019
قەبارەی دەقەکان
قەبارەی دەقەکان
(درەو میدیا):
سەرۆكی ئەنجومەنی پارێزگای هەولێر رونكردنەوەیەك لەسەر لێدوانێكی خۆی دەدات كە بۆ سایتی فەرمی پارتی داوەو (درەو میدیا) بڵاویكردوەتەوە.
عەلی رەشید سەرۆكی ئەنجومەنی پارێزگای هەولێر رونكردنەوەیەكی بڵاوكردەوەو تێیدا كرۆكی هەواڵێك رەتدەكاتەوە لە پەیجی فەرمی (درەو میدیا) بڵاوبوەتەوە.
لە رونكردنەوەكەیدا سەرۆكی ئەنجومەن رەتیدەكاتەوە هیچ لێدوانێكی بۆ (درەو میدیا) دابێت سەبارەت بە پرسی گۆڕانكاریكردن لە پۆستی بەڕێوەبەرە گشتییەكانی هەولێردا.
لەوەڵامی ئەم رونكردنەوەیەدا، (درەو میدیا) بە رایگشتیو بەڕێز سەرۆكی ئەنجومەنی پارێزگای هەولێر رادەگەیەنێت، ئەو هەواڵەی كە لە رونكردنەوەكەی بەڕێز سەرۆكی ئەنجومەندا باسكراوە، لە سایتی فەرمی پارتی دیموكراتی كوردستان (KDP ) بڵاوبوەتەوەو (درەو میدیا) تەنیا هەواڵەكەی گواستوەتەوە.
بۆ بەرچاوڕوونی رایگشتیو بەڕێز سەرۆكی ئەنجومەنی پارێزگای هەولێر (درەو میدیا) وێنەی هەواڵەكەی سایتی فەرمی پارتی بڵاودەكەینەوە كە تا سایتی بڵاوبونەوەی ئەم هەواڵە لە پەیجی فەرمی سایتەكەدا ماوە، بەڵام ناوەڕۆكی هەواڵەكە لە سایتەكەدا سڕاوەتەوە.
