هەواڵ
ڕاپۆرت
فەتحوڵا حسێنی، نوێنەری ئیدارەی خۆسەر لە باشوری کوردستان لە (گفتوگۆی درەو): مەهامی هێزی هەسەدە وەكو هێزێكی سەربازی سەربەخۆ نەما، بەڵام وەكو كوتلەیەكی سەربازی داخلی سوپای سوریا بوو، ئێمە تەحەمولی شەڕێكی تر ناكەین، جوگرافیای ئێمە گەمارۆدراوە، ئێمە گەشبینین بە داهاتووی رۆژئاوای كوردستان، هەموو ئەوانەی رۆژئاوا بەڕێوەدەبەن هەموو كوردن
بڵاوکراوەتەوە لە : 29 ئاب 2026
قەبارەی دەقەکان
قەبارەی دەقەکان
درەو:
فەتحوڵا حسێنی، نوێنەری ئیدارەی خۆسەر لە باشوری کوردستان لە (گفتوگۆی درەو):
- مەهامی هێزی هەسەدە وەكو هێزێكی سەربازی سەربەخۆ نەما
- بەڵام وەكو كوتلەیەكی سەربازی داخلی سوپای سوریا بوو
- لە ئێستادا چوار لیوا درووستكراوەو هەرچوار لیواكە كوردیە
- ژمارەی هەر لیوایەك (1300) كەسە
- لیوایەك لە دیریكە لە سنوری باشوری كوردستانە، لیوایەك لەناو قامیشلۆیە، لیوایەك لە حەسەكەیەو لیوایەك لە كۆبانیە.
- ئێستا لەسەر لیوای پێنجەم كار دەكەن كە بۆ عەفرین بێت.
- تا ئێستاش توركیا لە پیلان و فشارەكانی بەردەوامە لەسەر رۆژئاوای كوردستان
- گەڕانەوەی ئاوارەكان و رێگری لە گۆڕانی دیمۆگرافی گەورەترین دەستكەوتە.
- ئێمە گەشبینین بە داهاتووی رۆژئاوای كوردستان
- ئەگەر بوترێت گرەنتی چیە، هیچ گرەنتییەك لەناو سوریادا نیە.
- هیچ گرەنتییەك نیە ئەحمەد شەرع دوو سەعاتی تر لە دیشمەش بمێنێ یان نەمێنێ
- گرنتی نیە ئەو گروپە رادیكاڵەی دەوری ئەحمەد شەرع كودەتا بكەن یان نا
- ئەم رێككەوتن و تێكەڵبوونە لەگەڵ دیمەش زۆر لە بەرژەوەندی كوردە، چونكە پێش هەموو شت رێگری لەشەڕكرد.
- ئێمە تەحەمولی شەڕێكی تر ناكەین، جوگرافیای ئێمە گەمارۆدراوە،
- رێككەوتنەكەی ئێمە ناچاری نیە، بەڵكو ئێمە لەشەڕەوە بەو ئاشتی دەڕۆین
- بەڕێوەبەرێتی خۆسەر تا ئێستا وەك خۆی ماوەو كاری خۆی دەكات
- 11 نوێنەرایەتیمان لە ئاستی دەرەوە هەیەو وەك خۆیان ماون.
- هەموو ئەوانەی رۆژئاوا بەڕێوەدەبەن هەموو كوردن
- تایبەتمەندی هەرێمی كوردی وەك خۆی ماوەو وەك دیفاكتۆیە ماوە.
- یەكەمجارە بەرپرسانی دیمەشق دانیان بەوەداناوە كە لە بری باكوری سوریا دەڵێن هەرێمی كوردی
