هەواڵ
نۆ پێشمەرگەی كۆمەڵەی شۆڕشگێری زەحمەتكێشانی كوردستان لە زڕگوێزەڵەی سلێمانی بەهۆی بۆردوومانی كۆماری ئیسلامی ئێرانەوە شەهیدبوون، ژمارەی سەرجەم قوربانیانی هێرەشەكانی ئێران بۆسەر هەرێمی كوردستان گەیشتە (144) كەس (30) شەهید و (114) بریندار
بڵاوکراوەتەوە لە : 17 تەمموز 2026
قەبارەی دەقەکان
قەبارەی دەقەکان
درەو:
نۆ پێشمەرگەی كۆمەڵەی شۆڕشگێری زەحمەتكێشانی كوردستان لە زڕگوێزەڵەی سلێمانی بەهۆی بۆردوومانی كۆماری ئیسلامی ئێرانەوە شەهیدبوون، ژمارەی سەرجەم قوربانیانی هێرەشەكانی ئێران بۆسەر هەرێمی كوردستان گەیشتە (144) كەس (30) شەهید و (114) بریندار.
ناوی شەهیدەكانی بەرەبەیانی ئەمڕۆی كۆمەڵەی شۆڕشگێری زەحمەتكێشانی كوردستان:
- سروش نەسری - مەریوان
- ئەحمەد مەحمودی - بانە
- فەرهاد قەمەری - دیواندەرە
- رەزا سادقی - بۆكان
- كەسرا رەحمان نەژاد - بۆكان
- سینا سەفەری - شاباد
- زەكەریا فەقێ حەسەن - بۆكان
- یاسین كیان پور - شازەند
- سیاوان نكی خا - بۆكان
بەپێی راپۆرتی رێكخراوی (CPT )ی ئەمریكی ژمارەی سەرجەم قوربانیانی هێرەشەكانی ئێران بۆسەر هەرێمی كوردستان گەیشتە (144) كەس (30) شەهید و (114) بریندار:
ژمارەی سەرجەمی قوربانییانی هێرشەکانی کۆماری ئیسلامی ئێران بۆ سەر هەرێمی کوردستان گەیشتە (١٤٤) کەس.
لە کاتژمێر ٦:٠٥ خولەکی سەر لە بەیانی ئەمڕۆ، سوپای پاسدارانی ئێران، بە شەش موشەک هێرشی کردە سەر کامپی کۆمەڵەی شۆڕگێڕانی کوردستان لە زرگوێزەڵە. لە ئەنجامی ئەو هێرشەدا، (٩) کەس گیانیان لەدەستدا و (٢) کەسی تریش برینداربوون.
تەواوی پێشمەرگە شەهیدەکانی ئەم ڕووداوە، لە ساڵی ٢٠٢٦دا پەیوەست بوون بە کۆمەڵەی شۆڕشگێڕان و بوون بە پێشمەرگە.
لە ساتەوەختی دەستپێکردنی شەڕی نێوان ئەمریکا و ئێران، بەهۆی هێرشەکانی کۆماری ئیسلامی ئێران و گروپە هاوپەیوەندەکانی لە عێراق بۆ سەر هەرێمی کوردستان، (٣٠) کەس گیانیان لەدەستداوە و (١١٤) کەسی تریش برینداربوون.
