هەواڵ
ئەنجومەنی سەركردایەتی یەكێتی بەكۆی دەنگ بڕیاریدا كە لە ئێستادا (39 بە 39) كورسین بەرامبەر پارتی و داوای نیوەی حكومەت دەكەن.
بڵاوکراوەتەوە لە : 21 حوزەیران 2026
قەبارەی دەقەکان
قەبارەی دەقەکان
درەو:
ئەنجومەنی سەركردایەتی یەكێتی بەكۆی دەنگ بڕیاریدا كە لە ئێستادا (39 بە 39) كورسین بەرامبەر پارتی و داوای نیوەی حكومەت دەكەن.
ئەمڕۆ ئەنجومەنی سەركردایەتی یەكێتی نیشتمانی كوردستان لە سلێمانی كۆبووەوە، كۆبوونەوەكە بەسەرپەرشتی بافڵ تاڵەبانی سەرۆكی یەكێتی بەڕێوەچوو.
لە كۆبوونەوەكەدا بافڵ تاڵەبانی رایگەیاندووە، پارتی نایەوێت رێكبكەوێت لەگەڵمان و دەیەوێت تەنازول بكەین و بەو مەرجانەی هەیەتی ئێمە بچینە حكومەتەوەو تەنازول بكەین بۆیان.
بافڵ تاڵەبانی رایگەیاندووە دوو رێگەمان لەبەردەستدایە:
یەكەم: تەنازول كردن بۆ مەرج و داواكانی پارتی دیموكراتی كوردستان و ئەوەی دەمانداتێ پێی رازی بین.
دووەم: تەنازول نەكردن بۆ پارتی و بە هێزی (39 كورسی بەرامبەر بە39) كورسی بچینە گفتوگۆ و شەراكەتی راستەقینەمان دەوێت و نیوەی حكومەت و پۆستەكانی هەرێمی كوردستانمان دەوێت.
دواتر سكرتارییەتی ئەنجومەنی سەركردایەتی یەكێتی (مستەفا چاڵاوی و رابیحە حەمد) پێشنیازەكەیان خستووەتە دەنگدانەوەو بەكۆی دەنگ تەنازولكردنیان رەتكردووەو پەسەندی ئەوەیان كردووە كە بە (39) كورسیەوە بچنە گفتوگۆوەو تەنازول بۆ پارتی نەكەین چی كاردانەوەیەك دەبێت بابێت.
