هەواڵ
مەزڵوم عەبدی لە چاوپێكەوتنێكدا دەڵێت: ئێستا روبەڕوی چەندین هەوڵی تیرۆركردن بوومەتەوە، دەسەڵاتدارانی دیمەشق خیانەتیان لێكردن؛ رێككەوتنمان كرد لەكاتی كشانەوەدا پەرلاماریان داین، ئەحمەد شەرع پێشنیازی پۆستێكی باڵای بۆ كردم بەڵام كاری لە پێشينەترم هەیە لە رۆژاڤا
بڵاوکراوەتەوە لە : 11 ئایار 2026
قەبارەی دەقەکان
قەبارەی دەقەکان
درەو:
مەزڵوم عەبدی، فەرماندەی هێزەكانی سوریای دیموكرات، لە چاوپێكەوتنێكدا لەگەڵ كەناڵی مزیج:
🔹بەشار پیاوێکی گەمژە و لووتبەرز بوو گوێی لە کەس نەدەگرت.
🔹لە سەرەتای قەیرانی سوریا دووجار لەگەڵ بەشار کۆبوومەوە، نەمانتوانی بگەینە رێککەوتن.
🔹لەگەڵ ئێرانییەکان کۆنەبوومەوە، سەرەرای هەوڵدانیان بۆ پەیوەندیکردن و دیدار لەگەڵ ئێمە.
🔹روسەکان نێوەندگیرییان لە نێوان ئێمەو رژێمدا کرد، بەڵام شکستیان هێنا و پێیان گوتین بەشار تەنانەت گوێ لە هاوپەیمانەکانیشی ناگرێت.
🔹هەندێک لە وڵاتانی عەرەبی و کەنداو نێوەندگیرییان لە نێوان ئێمە و رژێمدا کرد، بەڵام نەمانتوانی بگەینە ڕێککەوتن.
🔹هێزەکانی رژێممان دەرکردو هەزاران سەربازمان بە دیل گرت، پاشان رادەستی بنەماڵەکانیانمان کردنەوە.
🔹لەو ناوچانەی تەسلیم نەبوون، كەوتنیە شەڕ لەگەڵیان و ژمارەیەک ئەفسەری پلە باڵامان کوشت.
🔹ئێرانییەکانمان دەرکرد کاتێک بۆمان دەرکەوت کە هەوڵی دروستکردنی هێزی خێڵەکی دەدەن لە ناوچەکەدا.
🔹پەیوەندی سەرەتایی لەگەڵ هاوپەیمانی نێودەوڵەتی لە ڕێگەی سلێمانی و هەولێرەوە ئەنجامدرا.
🔹سەرۆک بەرهەم ساڵح پەیوەندییەکی تەلەفۆنی یەک کاتژمێری لەگەڵ بەشار ئەسەد ئەنجامدا، دوای تەلەفونەکە پێی وتم، بەشارو بیركردنەوەی هیچی لەسەر هەڵناچنرێ.
🔹لە ماوەی ساڵانی 2012 و 2013 دیدارم لەگەڵ بەرەی نوسرە ئەنجامد، ئەبو ماریا قەحتانی ئەوکاتە بەرپرسی بوو.
🔹پێش رزگارکردنی حەما، لە کاتی شەڕی (ردع العدوان)، پەیوەندیم بە ئەسعەد شەیبانیەوە کرد، لەسەر چەند خاڵێک رێککەوتین سەبارەت بە حەلەب، هێزەکانمان، دووبارە جێگیرکردنەوە و پاراستنی ئاسایش.
🔹هەندێک هەڵەی ئیداریمان کرد، بەڵام بارودۆخی شەڕیش کاریگەری لەسەر ئێمە هەبوو.
🔹گەلی کورد خیانەت قبوڵ ناکات، ئەگەر رێککەوتن هەبووە بۆ کشانەوە، بۆچی خیانەتیان لێكردن؟ ئەمە پێویستی بە داوای لێبوردن و چاسەركردن هەیە لەلایەن دیمەشقەوە.
🔹لە دوایین کۆبوونەوەدا لەسەر میکانیزمێک بۆ چارەسەرکردنی کێشەکان و ئایندەی سوریا رێککەوتین.
🔹دەستپێشخەرییەک هەبوو لە ئەحمەد شەرعەوە بۆ ئەوەی پێکەوە کاربکەین و پۆستێكی سیادی وەربگرم، بەڵام من لە رۆژاڤا كاری لەپێشینەم هەیە کە پەیوەندییان بە یەکگرتن و یەکگرتوویی کورد و بابەتی دیکەوە هەیە.
🔹چەند جارێك روبەڕوی هەوڵی تیرۆرکردن بوومەتەوە.
🔹لە ئێستادا پەیوەندیمان لەگەڵ تورکیا نیمچە ئاسایی و ئەوەی ئێستا روودەدات ئاگربەستێکە کە لە ئەنجامی پرۆسەی ئاشتی تورکیا سەرچاوەی گرتووە.
🔹هەوڵدەدەین پەیوەندیمان لەگەڵ تورکیا لە پەیوەندییەکی ئەمنیەوە بۆ پەیوەندییەکی سیاسی بگۆڕین و ڕەنگە سەردانی بکەم.
