هەواڵ
ڕاپۆرت
کۆی داهاتی گشتی وەزارەتی دارایی عێراق بە هەردوو داهاتی (نەوتی و نانەوتییەوە) نزیکەی (25 ترلیۆن و 260 ملیار) دینار بووە، نزیک لە (21 ترلیۆن و 223 ملیار) دیناری بە رێژەی (84%) داهاتی نەوت و زۆرتر (4 ترلیۆن) دیناری بە رێژەی (16%) داهاتی نانەوتی بووە.
بڵاوکراوەتەوە لە : 18 ئایار 2026
قەبارەی دەقەکان
قەبارەی دەقەکان
درەو:
ڕاپۆرتەکانی وەزارەتی دارایی عێراق
🔻 وەزارەتی دارایی عێراق ڕاپۆرتی داهات و خەرجی خۆی بۆ چارەکی یەکەمی ئەمساڵ بڵاوکردەوە، بەپێی ڕاپۆرتەکە؛
🔹 کۆی داهاتی گشتی وەزارەتی دارایی عێراق بە هەردوو داهاتی (نەوتی و نانەوتییەوە) نزیکەی (25 ترلیۆن و 260 ملیار) دینار بووە، نزیک لە (21 ترلیۆن و 223 ملیار) دیناری بە رێژەی (84%) داهاتی نەوت و زۆرتر (4 ترلیۆن) دیناری بە رێژەی (16%) داهاتی نانەوتی بووە.
🔹 کۆی گشتی خەرجییەکانی وەزارەتەکە بە هەردوو خەرجی (بەگەڕخستن و وەبەرهێنان)ەوە، پتر لە (27 ترلیۆن و 72 ملیار) دینار بووە، کە (96%)ی بۆ خەرجی بەگەڕخستن و (4%) بۆ خەرجی وەبەرهێنان بووە.
🔹 وەزارەتەکە زیاتر لە (3 ترلیۆن و 113 ملیار) دیناری، بۆ موچەی فەرمانبەران و چاودێری کۆمەڵایەتی و بواری هاریکای و یارمەتی و خەرجی دیکە بۆ هەرێمی کوردستان خەرجکردووە.
🔹 دوای لێدەرکردنی سەرجەم خەرجییەکان لە کۆی داهاتی گشتی وەزارەتی دارایی، بەڕێژەی (7%) خەرجی لە داهات زیاتر بووە و زۆرتر لە (ترلیۆنێک و 812 ملیار) دینار و کورتهێنان ڕویداوە.
یەکەم: داهاتی گشتی وەزارەتی دارایی عێراق لە چارەکی یەکەمی (2026)دا
بەپێی دواین ڕاپۆرتی وەزارەتی دارایی عێراق، بۆ سێ مانگی یەکەمی ئەمساڵ، کۆی داهاتی گشتی عێراق بە هەردوو داهاتی (نەوتی و نانەوتییەوە)، بریتی بووە لە (25 ترلیۆن و 259 ملیار و 623 ملیۆن و 107 هەزار و 265) دینار، بەجۆرێک بڕی (21 ترلیۆن و 222 ملیار و 829 ملیۆن و 473 هەزار و 989) دیناری بەڕێژەی (84%)ی لە داهاتی نەوتەوە سەرچاوەی گرتووە، بڕی (4 ترلیۆن و 36 ملیار و 793 ملیۆن و 633 هەزار و 276) دیناری بەڕێژەی (16%)ی داهاتی نانەوتی پێکیهێناوە.
خشتەی داهاتەکان
دووەم: خەرجی گشتی (بەگەڕخستن و وەبەرهێنان)ی وەزارەتی دارایی عێراق لە چارەکی یەکەمی (2026)دا
هەر بەپێی بە ڕاپۆرتەکەی وەزارەتی دارایی عێراق، لە چارەکی یەکەمی (2026)، کۆی گشتی خەرجییەکانی وەزارەتەکە بە هەردوو خەرجی (بەگەڕخستن و وەبەرهێنان)ەوە، بریتی بووە لە (27 ترلیۆن و 72 ملیار و 66 ملیۆن و 955 هەزار و 587) دینار، بەجۆرێک بڕی (25 ترلیۆن و 918 ملیار و 16 ملیۆن و 848 هەزار و 780) دیناری بەڕێژەی (96%)ی لە لەبواری خەرجی بەگەڕخستن و بڕی (ترلیۆنێک و 154 ملیار و 50 ملیۆن و 106 هەزار و 807) دیناری بەڕێژەی (4%)ی بۆ بواری خەرجی وەبەرهێنان تەرخان کراوە.
وەزارەتەکە بڕی (3 ترلیۆن و 113 ملیار و 776 ملیۆن و 755 هەزار و 377) دیناری، بۆ موچەی فەرمانبەران و چاودێری کۆمەڵایەتی و بواری هاریکای و یارمەتی و خەرجی دیکە بۆ هەرێمی کوردستان خەرجکردووە.
خشتەی خەرجییەکان
سێیەم: بەراوردکردنی کۆی داهات و خەرجی وەزارەتی دارایی عێراق لە چارەکی یەکەمی (2026)دا
وەک ئاماژەمان پێدا کۆی گشتی خەرجییەکانی عێراق بە هەردوو خەرجی (بەگەڕخستن و وەبەرهێنان)ەوە، بریتی بووە لە (27 ترلیۆن و 72 ملیار و 66 ملیۆن و 955 هەزار و 587) دینار.
لە کاتێکدا کۆی داهاتی گشتی عێراق بە هەردوو داهاتی (نەوتی و نانەوتییەوە)، بریتی بووە لە (25 ترلیۆن و 259 ملیار و 623 ملیۆن و 107 هەزار و 265) دینار.
واتە بڕی (ترلیۆنێک و 812 ملیار و 443 ملیۆن و 848 هەزار و 322) دیناری بەڕێژەی (7%) لە داهاتی گشتی کورتهێنان ڕویداوە.
سەرچاوە؛
ڕاپۆرتەکانی وەزارەتی دارایی عێراق
- حساب الدولة لغایة کانون الثاني لسنة 2026 للموازنە الاتحادیة.
- حساب الدولة لغایة شباط لسنة 2026 للموازنە الاتحادیة.
- حساب الدولة لغایة آذار لسنة 2026 للموازنە الاتحادیة.
https://mof.gov.iq/Budget-implementation-Archive.aspx
