هەواڵ
ئەنجومەنی باڵای دادوەریی عێراق لایەنە ناڕازییەكانی بێ ئومێد كرد
بڵاوکراوەتەوە لە : 5 حوزەیران 2018
قەبارەی دەقەکان
قەبارەی دەقەکان
هەواڵ
بڵاوکراوەتەوە لە : 5 حوزەیران 2018
قەبارەی دەقەکان
قەبارەی دەقەکان
(درەو میدیا):
ئەنجومەنی باڵای دادوەری عێراق روونكردنەوەیەكی دەربارەی یەكلاكردنەوەی تانە و سكاڵاكانی هەڵبژاردنی پەرلەمانی عێراق بڵاوكردەوە رایگەیاند بە گوێرەی یاسا بەركارەكان، ئەنجامەكانی هەڵبژاردنەكە هەڵناوەشێنرێنەوە و دەنگەكانیش جارێكی تر بەدەستی جیاناكرێنەوە.
ئەنجومەنی باڵای دادوەری روونیكردوەتەوە كە هیچ دەقێك لە یاسادا نییە كە دەسەڵاتی ئەوە بداتە دەستەی دادوەری هەڵبژاردنەكان تا بڕیاربدات لەسەر هەڵوەشاندنەوەی ئەنجامێكی دیاریكرا لە ناو عێراق یانە لە دەرەوەی بەو شێوەیەكی كە هەندێك لایەن داوای دەكەن.
دەربارەی جیاكردنەوەی دەنگەكانیش بەشێوەی دەستی ئەنجومەنی باڵای دادوەری رایگەیاندووە كە بە گوێرەی مادەی پێنجی هەمواری یاسای ژمارە 45ی ساڵی 2013 ئەنجومەنی نوێنەران مادەی ( 38) یاساكەی لابردووە و جەختیكردوەتەوە كە دەبێت پرۆسەی جیاكردنەوە و ئەژماركردنی دەنگەكان بە بەكارهێنانی ئامێری ئەلیكترۆنیی خێراكردنی ئەنجامەكان ئەنجامبدرێت و بە گوێرەی ئەو هەموارە پرۆسەی جیاكردنەوە و ئەژماركردنی دەستی دەنگەكانی هەڵوەشاندوەتەوە.
