هەواڵ
ڕاپۆرت
داهاتی نەوتی عێراق لە 2004 - 2026، هەڵكشان و داكشانی زۆری بەخۆوە بینیوە، ساڵی 2004 كۆی داهاتی نەوتی عێراق 32 ترلیۆن دینار بووە، بەرزترینی لە 2022 بووە كە (154) ترلیۆن دینار داهاتی نەوت بووە، لە پێنج مانگی 2026 تەنیا 27 ترلیۆن دینار داهاتی نەوتی عێراقە.
بڵاوکراوەتەوە لە : 5 ئاب 2026
قەبارەی دەقەکان
قەبارەی دەقەکان
شیكاری: درەو
سەرەتا
لە ماوەی نێوان ساڵی 2004 تاوەکو کۆتایی پێنج مانگی یەکەمی ساڵی 2026، داتاکانی وەزارەتی دارایی عێراق لەسەر داهاتی نەوتی وێنەیەکی هاوسەنگ لە دۆخی دارایی وڵات نیشان نادەن، بەڵکو مێژوویەکن لە گۆڕانکاری و شەپۆلی بەرزبوونەوە و دابەزینی توندی ئابووری. لە بەراوردکارییەکی خێرادا، ئەگەر داهاتی نەوتی عێراق لە ساڵی 2004 ببەینە سەرەتای وەرچەرخان کە تێیدا کۆی داهاتی نەوت بریتی بوو لە (32 ترلیۆن و 627 ملیار) دینار، دەبینین لە ساڵی 2022 دا ئەم داهاتە گەیشتووەتە بەرزترین ئاستی مێژوویی خۆی لە ماوەی ساڵانەدا و بەرزبووەتەوە بۆ (154 ترلیۆن و 38 ملیار) دینار و بە ڕێژەی گەشەی 59% و زیادبوونی نزیکەی بڕی (57 ترلیۆن و 416 ملیار) دینار بەراورد بە ساڵێ پێش خۆی.
کەچی لە بەرامبەردا، لە ساڵی 2023 دا داهاتی نەوت ڕووبەڕووی خاوبوونەوە و دابەزین بووەوە و دابەزی بۆ (125 ترلیۆن و 882 ملیار) دینار، واتە تۆمارکردنی ڕێژەی گەشەی نەرێنی بە ڕێژەی (18%-) و کەمبوونەوەی قەبارەی داهاتی نەوت بە بڕی (28 ترلیۆن و 156 ملیار) دینار. هەروەها لە پێنج مانگی یەکەمی ساڵی 2026 داتاکان بڕی (27 ترلیۆن و 269 ملیار) دینار تۆمار دەکەن، کە ئەمەش تەنها ئاماژەیە بۆ دۆخی داهاتی نەوت لەو ماوە کورتەدا نەک کۆی ساڵەکە.
داهاتی نەوتی عێراق لە ساڵانی (2004 بۆ 5 مانگی یەکەمی 2026)
پاڵپشت بە داتاکانی وەزارەتی دارایی عێراق، ساڵانە داهاتی نەوتی عێراق لە ساڵی 2004 ەوە خراوەتە ڕوو سەرباری بڕ و ڕێژەی گەشەی داهاتی نەوت لە هەر ساڵێکدا بەراورد بە ساڵی پێش خۆی، بە جۆرێک:
ساڵی 2004:
· داهاتی نەوتی: (32 ترلیۆن و 627 ملیار و 280 ملیۆن) دینار بووە.
ساڵی 2005:
· داهاتی نەوتی: (39 ترلیۆن و 480 ملیار و 70 ملیۆن) دینار بووە.
· بڕی گەشە: (6 ترلیۆن و 852 ملیار و 790 ملیۆن) دینار بووە، بە ڕێژەی (21%).
ساڵی 2006:
· داهاتی نەوتی: (46 ترلیۆن و 908 ملیار و 40 ملیۆن) دینار بووە.
· بڕی گەشە: (7 ترلیۆن و 427 ملیار و 970 ملیۆن) دینار بووە، بە ڕێژەی (19%).
ساڵی 2007:
· داهاتی نەوتی: (53 ترلیۆن و 162 ملیار و 590 ملیۆن) دینار بووە.
· بڕی گەشە: (6 ترلیۆن و 254 ملیار و 550 ملیۆن) دینار بووە، بە ڕێژەی (13%).
ساڵی 2008:
· داهاتی نەوتی: (79 ترلیۆن و 131 ملیار و 750 ملیۆن) دینار بووە.
· بڕی گەشە: (25 ترلیۆن و 969 ملیار و 160 ملیۆن) دینار بووە، بە ڕێژەی (49%).
ساڵی 2009:
· داهاتی نەوتی: (51 ترلیۆن و 719 ملیار و 60 ملیۆن) دینار بووە.
· بڕی گەشە: کەمبوونەوە بە بڕی (27 ترلیۆن و 412 ملیار و 690 ملیۆن) دینار بووە، بە ڕێژەی (-35%).
ساڵی 2010:
· داهاتی نەوتی: (66 ترلیۆن و 819 ملیار و 670 ملیۆن) دینار بووە.
· بڕی گەشە: (15 ترلیۆن و 100 ملیار و 610 ملیۆن) دینار بووە، بە ڕێژەی (29%).
ساڵی 2011:
· داهاتی نەوتی: (98 ترلیۆن و 90 ملیار و 210 ملیۆن) دینار بووە.
· بڕی گەشە: (31 ترلیۆن و 270 ملیار و 540 ملیۆن) دینار بووە، بە ڕێژەی (47%).
ساڵی 2012:
· داهاتی نەوتی: (116 ترلیۆن و 597 ملیار و 100 ملیۆن) دینار بووە.
· بڕی گەشە: (18 ترلیۆن و 506 ملیار و 890 ملیۆن) دینار بووە، بە ڕێژەی (19%).
ساڵی 2013:
· داهاتی نەوتی: (110 ترلیۆن و 677 ملیار و 500 ملیۆن) دینار بووە.
· بڕی گەشە: کەمبوونەوە بە بڕی (5 ترلیۆن و 919 ملیار و 600 ملیۆن) دینار بووە، بە ڕێژەی (-5%).
ساڵی 2014:
· داهاتی نەوتی: (97 ترلیۆن و 72 ملیار و 410 ملیۆن) دینار بووە.
· بڕی گەشە: کەمبوونەوە بە بڕی (13 ترلیۆن و 605 ملیار و 90 ملیۆن) دینار بووە، بە ڕێژەی (-12%).
ساڵی 2015:
· داهاتی نەوتی: (51 ترلیۆن و 790 ملیار و 118 ملیۆن و 95 هەزار و 327) دینار بووە.
· بڕی گەشە: کەمبوونەوە بە بڕی (45 ترلیۆن و 282 ملیار و 291 ملیۆن و 904 هەزار و 673) دینار بووە، بە ڕێژەی (-47%).
ساڵی 2016:
· داهاتی نەوتی: (44 ترلیۆن و 653 ملیار و 244 ملیۆن و 315 هەزار و 862) دینار بووە.
· بڕی گەشە: کەمبوونەوە بە بڕی (7 ترلیۆن و 136 ملیار و 873 ملیۆن و 779 هەزار و 465) دینار بووە، بە ڕێژەی (-14(%.
ساڵی 2017:
· داهاتی نەوتی: (65 ترلیۆن و 496 ملیار و 777 ملیۆن و 31 هەزار و 899) دینار بووە.
· بڕی گەشە: (20 ترلیۆن و 843 ملیار و 532 ملیۆن و 716 هەزار و 37) دینار بووە، بە ڕێژەی (47%).
ساڵی 2018:
· داهاتی نەوتی: (96 ترلیۆن و 62 ملیار و 935 ملیۆن و 842 هەزار و 434) دینار بووە.
· بڕی گەشە: (30 ترلیۆن و 566 ملیار و 158 ملیۆن و 810 هەزار و 535) دینار بووە، بە ڕێژەی (47%).
ساڵی 2019:
· داهاتی نەوتی: (99 ترلیۆن و 490 ملیار و 603 ملیۆن و 358 هەزار و 819) دینار بووە.
· بڕی گەشە: (3 ترلیۆن و 427 ملیار و 667 ملیۆن و 516 هەزار و 385) دینار بووە، بە ڕێژەی (4%).
ساڵی 2020:
· داهاتی نەوتی: (55 ترلیۆن و 954 ملیار و 671 ملیۆن و 70 هەزار و 804) دینار بووە.
· بڕی گەشە: کەمبوونەوە بە بڕی (43 ترلیۆن و 535 ملیار و 932 ملیۆن و 288 هەزار و 15) دینار بووە، بە ڕێژەی (-44%).
ساڵی 2021:
· داهاتی نەوتی: (96 ترلیۆن و 622 ملیار و 396 ملیۆن و 704 هەزار و 686) دینار بووە.
· بڕی گەشە: (40 ترلیۆن و 667 ملیار و 725 ملیۆن و 633 هەزار و 882) دینار بووە، بە ڕێژەی (73%).
ساڵی 2022:
· داهاتی نەوتی: (154 ترلیۆن و 38 ملیار و 649 ملیۆن و 122 هەزار و 54) دینار بووە.
· بڕی گەشە: (57 ترلیۆن و 416 ملیار و 252 ملیۆن و 417 هەزار و 368) دینار بووە، بە ڕێژەی (59%).
ساڵی 2023:
· داهاتی نەوتی: (125 ترلیۆن و 882 ملیار و 218 ملیۆن و 233 هەزار و 323) دینار بووە.
· بڕی گەشە: کەمبوونەوە بە بڕی (28 ترلیۆن و 156 ملیار و 430 ملیۆن و 888 هەزار و 731) دینار بووە، بە ڕێژەی (-18%).
ساڵی 2024:
· داهاتی نەوتی: (127 ترلیۆن و 536 ملیار و 400 ملیۆن و 428 هەزار و 973) دینار بووە.
· بڕی گەشە: (1 ترلیۆن و 654 ملیار و 182 ملیۆن و 195 هەزار و 650) دینار بووە، بە ڕێژەی (1%).
ساڵی 2025:
· داهاتی نەوتی: (109 ترلیۆن و 207 ملیار و 744 ملیۆن و 884 هەزار و 692) دینار بووە.
· بڕی گەشە: کەمبوونەوە بە بڕی (18 ترلیۆن و 328 ملیار و 655 ملیۆن و 544 هەزار و 281) دینار بووە، بە ڕێژەی (-14%).
ساڵی 2026 (تەنها 5 مانگی یەکەم):
· داهاتی نەوتی: (27 ترلیۆن و 269 ملیار و 546 ملیۆن و 798 هەزار و 421) دینار بووە.
شەپۆلەکانی نەوتی عێراق
