دكتۆر شێركۆ عەبدوڵا (تایبەت بە درەو) 

هەمین نانەوا وخەجێ ئاشپەزبێ   
یایە لە گەڵمان با بەغەرەز بێ  
عەرەب حەلیف و کوردیش موخالیف 
یەکێتیی عێراق با موعەزەزبێ
شەرواڵ فڕێ دەن ،عەگاڵ لەسەر نێن 
عەباکەش لەمووی بزنەمەرەز بێ  
نەوتەکەمان فت ،غازیش لە بانی 
زۆرئیعتیادییە دزەکە (ئەز) بێ  
سەردەمی تازە و ئەوزاعی جیاواز  
وەک ئەوە وایە شێر هاوڕەگەز بێ  
مادام شەعبەکە سنگفراوانە 
چیتان خواردووە بە غەز و بەزبێ  
حیزی و سەلامەت شیعاری  ڕۆژە  
مۆدەی نەماوە ئینسان نەبەز بێ   
تەمەن درێژ بن گورگ و قەسابان 
کاوجۆی زەلیلییش بۆئێمەی پەز بێ