لە هەڵبژاردنی 12ی ئایاری 2018 دا هەرێمی كوردستان ( 44) كورسی گشتی و 2 كورسی كۆتای مەسیحی، لە پەرلەمانی عێراق هەیە و دیاریكراوە بەمشێوەیە: هەولێر ( 15 ) كورسی 1 كورسی كۆتا ، سلێمانی ( 18 ) كورسی و دهۆك ( 11 ) كورسی 1 كورسی كۆتا. هاوكات 530 كاندیدی پیاو و 147 كاندیدی ژن لە 25 لیست كە لە 19 حزب و 4 هاوپەیمانێتی و دوو سەربەخۆ پێكهاتووە كێبركێی بەدەستهێنانی  ئەو 46 كورسییەی سێ‌ پارێزگاكەی هەرێم دەكەن.
بەپێی بەپێی نوێترین زانیاری كە ئێستا  لەبەردەستی كۆمسیۆنی باڵای سەربەخۆی هەڵبژاردنەكانی عێراق دا لە پارێزگای هەولێر  دەنگدەری گشتی ( 1123433 ) كەس لەگەڵ ( 70083 ) دەنگدەری تایبەت و ( 1076 ) دەنگی ئاوارە كۆی گشتی دەنگدەر لە پارێزگای هەولێر ( 1194592 ) دەنگدەرە، لەگەڵ ( 498 بنكەو 2563 وێستگە )، لە پارێزگای سلێمانی دەنگدەری گشتی ( 1305323 ) كەس لەگەڵ ( 71748 ) دەنگدەری تایبەت و ( 3853 ) دەنگی ئاوارە كۆی گشتی دەنگدەر لە پارێزگای سلێمانی ( 1380924 ) دەنگدەرە،لەگەڵ ( 503 بنكەو 2947 وێستگە ) لە پارێزگای دهۆكیش دەنگدەری گشتی ( 716378 ) كەس لەگەڵ ( 48017 ) دەنگدەری تایبەت و ( 25945 ) دەنگی ئاوارە كۆی گشتی دەنگدەر لە پارێزگای دهۆك ( 790340 ) دەنگدەرە، لەگەڵ ( 256 بنكەو 1664 وێستگە ).