حكومەتی هەرێم 11 ملیار دۆلار بۆ دوو كۆمپانیا دەگەڕێنێتەوە

2024-07-12 19:26:28

درەو:

سۆران عومەر ئەندامی پەرلەمانی عێراق:

وەزارەتی سامانە سروشتیەکانی حکومەتی هەرێم بە ٢٤٠ قیست پارەی دروست کردنی بۆری نەوتی کوردستان بۆ دوو کۆمپانیای ناوخۆیی و بیانی دەگەڕێنێتەوە! کەبڕەکەی ١١ ملیار و ١٦٠ ملیۆن دۆلارە!

بە ١٢٠ قیست هەموو مانگێک تا کۆتایی ساڵی ٢٠٢٧ مانگی ٥٥ ملیۆن دۆلار دەگەڕێنێتەوە بۆ کۆمپانیای روس نەفت و کار!

لە ٢٠٢٨ یشەوە بە ١٢٠ قیست مانگی ٣٨ ملیۆن دۆلار دەگەڕێنێتەوە! بۆ هەردوو کۆمپانیاکە بەڕێژەی ٪٦٠ بۆ روس نەفت و ٪٤٠ بۆ کار!

جگە لەوەی هەموو مانگێک تێچوی بەکارخستنی بۆریەکە کە بۆیان دەگەڕێنرێتەوە ٥ ملیۆن دۆلارە!

وەزارەتی سامانە سروشتیەکان ئەم تێچووەی خستۆتە سەر تێچووی بەرهەمهێنان و هەناردەی نەوتی هەرێم ! کە بۆ هەر بەرمیلێک ١٥ دۆلارە!

بەوپێیە تاکو کۆتایی ساڵی ٢٠٣٨ حکومەتی هەرێم ١١ ملیار و ١٦٠ ملیۆن دۆلار دەداتەوە بەم دوو کۆمپانیا ئەمە لەکاتێکدایە حکومەتی هەرێم ئەم بۆریەی فرۆشتووە بەو دوو کۆمپانیا!

چاودێری دارایی عێراق لە ٢٧/٢/٢٠٢٤ ەوە داوای گرێبەستی نێوان حکومەتی هەرێم و دوو کۆمپانیاکەی کردووە بەڵام حکومەتی هەرێم ئامادە نیە ئەو گرێبەستە بخاتەڕوو.

راپۆرتی پەیوەندیدار