د. شێركۆ عه‌بدوڵا تایبه‌ت به‌ (دره‌و)

لە زەمانی ژن بەژن و
گەنم بەترێ وە
تا ڕۆژگاری
دەبەدوانزەو
نەوت بەخۆراک و
دەنگ بە دەمانچە
ئێمە
پوشکەبەقنگەیەکی
دایک بەگانچووی 
ڕەنج بە خەسارین
**
چاو بەرەژێری
بڕیاربەدەستانی 
هیچ بە هیچ نەبووی
کەربەجۆمردەی
سەربەگۆبەنگی 
دەم بەهاوارین
سەربەقوڕ و
لێو بەبار و
تەئریخێکی 
هەمیشە خۆزگە بەپارین
**
پێ بەخەنەی
گوێ بەهیچ نەدەی
بەناز پەروەردەی
گوێژە بەتڕکێڵی 
مانگا بەکەڵی 
دەست بەدیوارین
ئێمە 
تەڵاقی سێ بەسێ و
قەراری دەستبەجێ و
تفەنگی بەکرێگیراوین
خوشکەزایەکی بەخاڵی خۆفێر و
دکتۆرێکی
لەش بەدۆشاوین 
بارگیرێکی لەکاروان 
بەجێماوین 
دەستێکی هەزار جار 
بەزاخا کراوین
لە زەمانی قالو بەلاوە
بەرخێکی بەگورگانخواردوو دراوین