د. شێركۆ عه‌بدوڵا تایبه‌ت به‌ (دره‌و)

1- سیاسەت وەکو خواردنی سەرعەرەبانەیە، زۆر پیسە بەڵام زۆر بەلەزەتیشە
2- تەبیعەتی نوکتە وایە حەز ئەکەی خەڵکی تریش بیزانن، داهات بە عەکسەوەیە.

3- نوکتە جۆرێکە لە ئەدەب، بەڵام هەتا بێ ئەدەبتر بێ بەقەوەتترە. سیاسەتیش هەتا ناسیاسییتر بێ ناجیحترە
‎4- کە هەمووان دایانە قاقای پێکەین جەنابیشت لا ئیرادی پێ دەکەنیت، ڕێک عەینەن چەپڵە.
‎5- هەموو گەوجێتییەک نوکتە دروست ناکات، هەموو ئوتومیلێکی جامڕەشیش  شەرت نییە تاوانکار بێت.
‎6- ڕق و سێکس و سادیزم و ڕەشبینی ئەو شتانەن بازاڕی نوکتە گەرم دەکەن کەچی کوردستان نوکتەخانەیەکی موفلیسە
7- کورد: ئادەی پێنج جار لەسەر یەک بڵێ چوومە چەمی چەقان چەقەڵ چەڵتوکی ئەتەقان
‎عەرەب: تۆ ئەگەر ڕاست ئەکەی یەک جار بڵێ کوانێ پشکی هەرێم
‎8- ئەم یوتیوبە قۆڕەش وەکو هەرێمی لێ هاتووە کە مەوزوعێک تەواو ئەبێ خێرا مەوزوعێکی تری ئەکات بەسەردا
‎9- وەزیری دەرەوەی بەحرەین نوسیوێتی کەی من توانیم گونی خۆم ببینم عێراقیش ئەو وەختە خۆشی ئەبینێ
‎10- نامەی تێکۆشەرێکی دێرین بۆ عیزبەکەی: من قایشت بوم ئەو کاتەی پانتۆڵەکەت ئەکەوتە خوارەوە