د. شێركۆ عه‌بدوڵا تایبه‌ت به‌ (دره‌و)

* تاقە شتێکی موهیم لە مەسئولەکەماندا ئەوەیە کە بۆینباخەکەی مارکەیە.
* چۆن کەس ناتوانێ لە سفرەوە دەست پێ بکات؟! ئێمە لە سفرەوە دەستمان پێ کردو ئەلحەمدولیللا ئێستا ناقیس هەشتاو شەشین.
* سواڵکەرێ بتوانێ باقی بیست و پێنج هەزاریی بداتەوە حەتمەن داهاتەکەی شەفاف نییە. 
* خوا ڕەحمی کرد نەوتەکە لەدەست چوو، ئەگینا ئێستا حەوت زەمان بوو لە دەستمان دابوو. 
* قاموسی کوردی ئەبێ تاماوە مەمنونی حکومەتی بەغا بێ، بایکۆتی بۆ تێ خست. 
* ئەم کابینەیە وەکو گسکی کارەبایە، ئەوەندەی مێشکت ئەبا ئەوەندە ئیشەکە ناکات. 
* شەو هەرچۆنێک بێ ئەگوزەرێ، ڕۆژ زۆر ناخۆشە، خەمۆکییەکەش مەشغوڵە نایەت بە لاتدا. 
* هەموو شتێک لە شوێنی خۆیدا جوانە، مەسەلەن حیزبی کوردی لە قەیراندا. 
* ئەم پیاوە سووکانە بارێکی قورسن بەشانمانەوە.
* چای خەڵوز ئەگەر زەلام بوایە ئەیانکرد بە سەرۆکی لیجنەی پاکسازی مێشک.