د. شێركۆ عه‌بدوڵا تایبه‌ت به‌ (دره‌و)

جیلوەی جوانی لە هەرچیدا هەبێ  خۆشمدوێ
 ڕۆژێ  کوشتەی مینی ژۆب و ڕۆژێ گیرۆدەی شەدەم  
                                       - هێمنی شاعیر-
جیلوەی مەوقیف  لە هەرکوێدا قنج  بێ حەتمەن لەوێم  
ڕۆژێ دۆستی ئایەتوڵا و ڕۆژێک ضدی پەیەدەم  
                           ـ هێمنی  سیاسی -
جیلوەی زۆڵێتی لە چواردەورم واقیعەن خۆش  گڤەیە
ساحێب تەڵەش هەمووجار پێم دەڵێ دەستت بەمەم  
                       ـ هێمنی جیۆپۆلیتیک -
جیلوەی سەرکەوتن لە کۆن و نوێدا  باوەڕ کەن هەر منم  
کارتێکم پڕ سفری چاو زەق  ، کەچی دەڵێن دە لەدەم
                               ـ هێمن خەبات -
جیلوەی هزرم  هەڤاڵان جار بە بەجارێ سەر دەکات  
ئەوسا خوێندکاری لێنین و ئەمڕۆ شوێنکەوتووی عەدەم
                        ـ هێمن موستەقیڕ-
جیلوەی ڕاستی بۆ هەرکوێ مل بنێ دەڕۆم لە دوی
هەم لیرە ویورۆ عەزیزن ، هەم زێڕ و دۆلار و درهەم
                            ـ هێمنی حەبیبوڵا-
جیلوەی بازاڕی عیادە بەچی جوان بێ من هەوم
پسپۆری لووت و گورچیلە و جار بەجارێ هی غودەم
                 ـ هێمنی ئۆرزدی-
جیلوەی مەزڵومیی لە کەسدا هێندەی من ئاشکار نی یە
ڕۆژێ گورگ ڕاوم دەنێت وڕۆژێ عەبدی ئەم کەرەم
                      ـ هێمن کوردستانی-