د. شێركۆ عه‌بدوڵا تایبه‌ت به‌ (دره‌و)

*قوربانی  شەماڵەکەی نیوەڕوانی  مانگی ئابت بم شارەزوور.
*لەدەوری دەست و تفەنگت گەڕێم ھەڤاڵ غاندی.
*ڕەببی خوا ئاوەدانی کا وەک  پرۆژەکانی وەزارەتی ئاوەدانکردنەوە لە باریکە.
*چەند کیلۆ زێڕ  لە بانکی پیشەسازی  ھەیە ئەوەندە ساڵ عومرت  بێ.
*ئیشەڵا خوا ڕاوەستاوت کا بەقەد  ڕاوەستاویی کورد بۆ سەربەخۆیی.
*عەمر درێژتر بیت لە عەمری ھاوپەیمانیی ستراتیجی.
*دەک پیر و خەرۆ بن موقتەدا و مالیکی .
*ھەمیشە ھەر ئاوا زیکری خێرت بێ کاک ئاشتی ھەورامی.
*ئای کە  جوامێر و کوڕی تەنگانە بووی،  ھەزار ڕەحمەت لە قەبرت پەڕلەمان .
*بەساقەی  ئەو دەم و لەبز و فلقەت بم  موزیع، خۆ شکور یەک خەبەری ناخۆشت پێ نی یە.
*ھەقی ئەوەی کە  تەپڵت بە مەعمەلەکانی ئەڵمانیا لێ داوە. لە چاوی پیس بەدوور بیت  ھەرێم .