د. شێركۆ عه‌بدوڵا تایبه‌ت به‌ (دره‌و)

* ئێستا موهیمترین دەستکەوت وەرگرتنی مەوعیدی چاککردنی نینۆکە.  
* سیعری گۆشت ئەوەندە گرانە قەناعەتم وایە سەندیکای گشتیی ڕەشەوڵاخ دایناوە.  
* ئێمە ئەزانین بۆچی خەباتمان کرد، بەس نازانین بۆچی وا ڕسوا بوین.  
* ئەگەر چاوت شەش لەسەر شەش بێ لەقتەی عامی کوردستان لەم دێڕەی پیرەمێردا ئەبینی: 
صوحبەتی نادان تاڵ ڕابواردنە  
لەدوای کەر ڕۆیین تەرس بۆنکردنە.  
* سەرچاوەی داهاتت چییە؟ قوربان گیان ماستاو.  
* لەم وەرزی ئارەقکردنەوەیەدا بۆنبڕەیەکی چاک هەزار ئەخلاقی جوان بەقوربانی.  
* سەیرە ها، دەربەدەری لەسەر وەزنی ڕۆشنگەری یە، هەروەها چاولەدەری و سەرسەرییش.   
* مەسئولەکەمان زۆر زۆر ڕقی لە میلەتە، ئەڵێی فیمینیستەو شەعب مێردەکەیەتی.
* کە ڕۆمانەکانی دایستۆڤسکی ئەخوێنمەوە وا هەست ئەکەم سەعات هەشتەو خستومەتە سەر ڕووداو. 
* حکومەتەکەمان لەو کچە بێ باکترە کە سبەینێ ئیمتیحانی کیمیای هەیەو ئەم هەر خەریکی سێڵفی گرتنە.