د. شێركۆ عەبدوڵا تایبەت بە (درەو)

یاما: 
بەڕووسی یەعنی چاڵی قووڵتر لە جادەکانی بەلەدێ
بە یابانی ، شاخێک گڵەزەردە لە چاویدا گردی سەرچنار بێت

بەرگە:
بە فارسی، ئەو وەرەقەیەی حسك بۆت ئەکات و ئەتوانی هەموو ئێرانی پێ بگەڕێی
بە کوردی، تەحەمولی خەبەرەکانی فەیسبوک وئەوان

ئازادی:
لای عالەم  یەعنی ئاسایش و پۆلیس نەڵێن ئەوە وتت چی قوڕمساغ؟
لای خۆمان گەڕەکێکە قەت کارەبای فوولی نەدیوە

غەڵەت: 
بە عەرەبی یەعنی دوو دەرەجەت لێ ئەشکێنم هەقی ئەوەی نەتزانی
بەفارسی، ناماقوڵت کردو سەرت دای لە بەرد خوێڕی

دای:
بەئەڵمانی ، ئامرازی ناساندنە
بە ئینگلیزی ، بتۆپە
بەکوردی، عەیب نەبێ یەعنی …. نا نایڵێم

بەپێی یاسا:
لە دائیرەی ئۆمەتی محەمەد؛ مادام قانونییە بۆی بکەن
لە هەرێم؛ با بیخولێنێتەوە

ئەفەندی:
جاران، به مەعموریان ئەوت
ئێستا ئەگەر مودیرەکەت پێت بڵێ ، مەخسەدی ئەوەیە گوێرەکەیت

کار: 
لای کورد، نەوەی نوێی بزن 
لای بەغدا، کۆمپانیایەکی پاکو تەمیزی کوردە 
کۆنگرە:
لە ئەمریکا شوێنێکە گەورەترین کتێبخانەی هەیە
لە کوردستان ، ڕووداوێکە فلیمی بەعزێکی تیا ئەسوتێ.