د. شێركۆ عەبدوڵا تایبەت بە (درەو)

دیمەنی یەکەم: 
کات :رۆژە ، دەرەوەیە ، باخچەیەکی شاهانەیە
زوومی کامێرا لەسەر گوڵەباخێكی سووری عەترلییە. لەملاوە  کۆمەڵێ وەزیرو گزیر بە شەوقەوە تەماشای دەست و فڵجەیەک ئەکەن. .  دەستەکە دەستی ناسرەدین شای قااجارە و خەیکی ڕەسمکردنی گوڵەکەیە. لەولاترەوە  چاوشینێکی شەپقەلەسەر بێ موبالاتانە وەستاوە.  دەست و پێوەندەکان بە نۆرە ئەکەونە قسە
_بەشەرەفم پیکاسۆش ناتوانێ ئاوا ڕەسمی بکات. رەبیی ماشەڵات لێ بێ قوربان  فۆتۆکۆپی ملەوەنیت
+سێ بەسێ تەڵاقم کەوتبێ لە گوڵە ئەسڵییەکە جوانترە
*بۆنی کەن بۆن(لووت لە کاغەزەکەی بەردەمی پاشا نزیک ئەکاتەوە)  بەقەبری باوکم عەترو عەبیری ڕەسمەکە بە موو لەگەڵ گوڵەکەدا فەرقی نی یە
.        کەت
دیمەنی دووهەم: 
شەو ، ناوەوە، پاشا و شەپقەلەسەرەکە لە میوانخانەی ناسرەدین شا خەریکی تلیاک کێشانن
شەپقە  لەسەر:  (بەدەم قاقای پێکەنینەوە ) هەمووی  قەینا ، بەس ئەوەی ئەخیر زۆر موهیم بوو ئەیگوو پاشا ئەوەندە ڕەسامێکی عەزیمە  عەتریش رەسم ئەکات هاهاهاهاها
ناسرەدین : دە ئینجا بزانە ئەرکەکەم چەند قورسە مسیۆ !ئەبێ لەگەڵ ئەم هیچ و پوچ و بێ ناموسانەدا مەملەکەت بەڕێوە ببەم.