د. شێركۆ عەبدوڵا تایبەت بە (درەو)

لە ڕەحمەتی قین و غەزەبەوە ، بەشاڵ و کوڵەباڵی عەرەبەوە ، لێوانلێو لە شکۆی سەرسەری  وەک جووتێ  نەعلی عەسکەری ، ئارامهێندەی نمەی لافاو ، لەگەڵ ئەفریقییەکی قژ خاو ، بە سۆلۆی دەهۆڵ ، خۆم و سێ چوار پەپولەی زۆڵ ، ئەفڕین بە شاباڵی قەفەس  ،بەرزتر لە ورەی هەرەس، پشتبەستوو بە ئۆقرەی گومان ، شل شل ووەکو نەرمەی ئێسقان ،  دەیکوتین چەڵتوکی دێم ، قنگە خلیسکێئەکەین  لە سەر بەفری عوزێم ، پاشان لەناو داربەڕووەکانی مەندەلی ، دەست ئەکەین بە ڕەشبەڵەکی حەنبەلی، خۆمان ئەدەینە دەم  شەپۆلی پرد، چونکە ئەزانین کە  یەکڕیزیی کورد تیژترە لە دڕکی ئیسفەنج ، جێی باوەرە عەینەن حیکمەتی گەنج،  بۆچی؟ لەبەرئەوەی دنیا ڕێوییەکی  سەر ڕاستە ، ڕەشایی ماستە، مرەبای ژاڵەیە ، تەبایی بەینی زوڵم وناڵەیە.