د. شێركۆ عەبدوڵا تایبەت بە (درەو)

پەرداخەکەی ژیان تەنیا هەر نیوە بەتاڵەکەی نییە، نیوە پڕەکەشێتی .. بۆیە هەقی خۆیەتی بە چەپڵە ڕێزان خۆت بکەی بەیەکێ لەم خولە بەلەزەت و نەرمە قوتانەی خوارەوە کە بەلاش و حەلاش ڕاتان دەهێنێت لەگەڵ وەزعەکەدا:
١- خولی دووزمانی
مامۆستای تایبەت و خاوەن تەجروبە لە واعەی حەفەیەکدا فێرت ئەکەن گلەیی   هاوپیشەکەت  و ئەسراری ڕەفیقی مناڵیت و بۆڵەبۆڵی هەڤاڵەکەت کەڕەتی سەد بکەیت و بیگەینیتە شوێنی خۆی. ئەی چۆن؟ ئینسان سکی  عەماری کەس نییە
٢-خولی جڕتاوا
بۆ هەموو ناکەس بەچەکان ، بۆ پشیلەکانی ڕۆژگار  و هاوڕێیانی سەرسەری ، بۆ هەڵگرانی فکری حەیدەری، بەشداریکردن تیایدا  لە نانی شەو واجیب ترە. تەعلیمت دا ئەدات چۆن نانی کونەماسی بخۆیت و پاسی جڕتاوابکەیت.
٣- خولی دۆشینی نێر
 تایبەتە بۆ ئینکارەکانی بیروبازوو،  بە لیبراڵ و ئیسلامییەوە،  بە دکتۆر و محامییەوە، بە لەحیمچی و وەتەنچیییەوە .. بەشداران لە کۆتاییدا هەریەکە و ئامێرێکی نێردۆشینیان بەدیاری ئەدرێتێ
٤- خولی تڕی بن گۆم
مادام ناحەزەکەت لە پڕێ بووە بە کوڕێ ، بە پەلە خۆت نانونووس بفەرموو لەم خولەدا ، بۆ ئەوەی ئەگەر جەژناو جەژنیش ناویان نەهێنایت بە ڕۆحێکی ڕیازی وەری بگریت . 
٥- هی خۆم بۆ خۆم ، هی تۆش ئەخۆم
حیزب و  ڕێکخراو، نەوتخۆر و نەوتخوراو، مەسئولی نەخەوت و چ دەرکەوتوو چ لێ کەوتو ، ئەگەر بەشدارییشنەکەن هەر بەدەرچوو حسابن 
٦- خولی نانی شوان 
 هەر بزنێک سنووری خۆی لێ تێک چووە و   دەیەوێ نانی شوان بخوات ، ئەگەر نەیەتە ئەم خولە فەلسەفییەوە مەعنای وایە ئەجەلی هاتووە. 
٧- خولی دەستە چەورەکە
بۆ ئەوەی کفرە سیاسییەکانی خۆت بهێنیت بەسەرحیزبە مونافیسەکەتدا  هین فرسەتانە  وەرە و بەشداری بکە لەم  خولەدا… دڵنیابە فس فس پاڵەوانیش بیت دەتکا بەجیڤارا