دكتۆر شێركۆ عەبدوڵا تایبەت بە (درەو)

* زۆر خەمبارم، وەک پیر لوقمانێک کە نەقڵ کرابێ بۆ فەلوجە.     
* باشە سوئالێ، ئەگەر هەزار ساڵی تر ئێسقانێکمان بدۆزنەوە ئەزانن ئێمە لە چاخی دوای کەربەندانی ڕاپەڕیندا ژیاوین ؟  

* سەیارە بە ئیستۆپ دەوەستێ، زەمەن بە ماچ و پێشکەوتنیش بەم سیستمی خوێندنە.   
* باوەڕ بەو قسەو قسەڵۆکانە مەکە لەسەر پەڕلەمان ئەیکەن، سەدقات لەوە خراپترە.   
* نیچە ئەڵێ ترس دایکی ئەخلاقە، ماستاو خاڵۆژنێتی.  
* هەندێ کەس دێنە ژیانتەوە چونکە خوا خۆشی دەوێیت، هەندێکەسیش دێنە ژیانتەوە چونکە کەریت.  
* ئەزانی بۆچی نەوتەکە دەرئەهێنین و هەڵی ناگرین بۆ نەوەکانی داهاتوو ؟ چونکە پەندێک هەیە ئەڵێ زەحیریی ئازای گیانت غەرقبکات لەوە باشترە بە هۆی قەبزییەوە بمریت.  
* دنیایەکی سەیرە، کێ تەصەوری ئەکرد هندییەک بکەن بەسەرۆک وەزیری بریتانیا، لەوانەیە ماوەیەکی تر طەلەعەل بەدریش جێی مەشخەڵان بگرێتەوە.   
* گەر بتەوێ دەوڵەتێکی سەرکەوتوو دابمەزرێنیت سکرتێری گشتی نەتەوە یەکگرتووەکان خەریتەیەکی عێراقت نیشان ئەدات، ئەڵێ بەس عەکسی ئەمە بێ تەواوە.