دەستکەوتەکانی شۆڕش تەقسیم دوو

2022-11-20 11:45:30



دكتۆر شێركۆ عەبدوڵا تایبەت بە (درەو)

تەقسیم بەنیسبەت گەشتبازەکانەوە ئەو شەقامە موهیمەی ئەستەموڵە کە هەتا نیبینی نازانیت ئیسلامە ئەردۆ  گانییەکە چەند داهێنەرەلە شاردنەوەی درزی شەرمنی سنگ و بەرۆک و وروژواندنی شەپۆلانی سمت و کڵۆکدا.
لەکن دوکانی کارەباچییش تەقسیم کەرەسەیەکی  تایبەتە سەری وایەری تەلەفزیۆن و شاحینەی مۆبایل و سەتەلایتە حەیاتەکە وگسکی کارەبا دەنگخۆشەکە لە دەوری خۆی کۆ ئەکاتەوە بێ ئەوەی بەکەسیان بڵێ ئەمن عەلاقەم پێدا نی یە ، ئەبێ بە داهاتی خۆتئیدارە بکەیت.
تەقسیمێکی ترمان هەیە تەماع ئەکاتە ڕەنج و چاوەڕوانییەکان و لێیان ئەماشێتەوە. . ئەمە تەقسیمی بیرکارییە و پەلی هاویشتووە بۆناو زمان و زاراوەکان . مەسەلەن کورد لە قسەی پڕو پووچدا هەر پووچەکەی بۆ ئەمێنێتەوە. لە بوجە حازر و بزرەکاندا فەقەت هەربزرەکەی نیشان ئەدەن . لەناو منداڵ و  مەزندا هەر منداڵەکان قسەیان زاڵە و کاتێکیش کە بەڵایەک دائەکەوێ بەسەر وەزیر و گزیردا ،بەس گزیرەکان سەلامەت نابن
ئەم جۆرە تەقسیمەی ماڵی عادیلە خانەکان بەرۆکی شۆڕشیشی گرتووە. چۆن ؟ بە پێی ئەم هەقایەتە :
ڕۆژی حسابات پرسیار لە کابرایەک ئەکەن ئەڵێن لە دەستکەوتەکانی شۆڕش چەندێک  بەر میللەت کەوتووە ؟ ئەڵێ قوربان خوا نەیبڕێ  ، زیاتر لە نیوە .ئەڵێن چۆن ؟ئەڵێ دوای ڕاپەڕین خەوم بینی بارێکی یەکجار سەنگین زێڕ و زیویان  داوە بەکۆڵمدا بیبەم بۆ خۆم وئەهلی گەڕەک  . بارەکە ئەوەندە  قورس بوو  خۆم   لەژێریدا پیس کرد. کە خەبەرم بووەوە زێر و زیو دیار نییە ،بەڵام غەرقم لە وانێک دا.ئیتر تێ گەیشتم  خەونەکەم درۆ نەبووە ، هاتۆتە دی ،،،، بەڵام تەنیا نیوەی .

بابه‌تی په‌یوه‌ندیدار

مافی به‌رهه‌مه‌كان پارێزراوه‌ بۆ دره‌و
Developed by Smarthand