دكتۆر شێركۆ عەبدوڵا تایبەت بە (درەو)

*کەسابەت وەکو ڕیش تاشین وایە، ئەتوانی بەلاساییکردنەوەی  باوکت فێری ببیت، بەڵام سیاسەت ،تەشبیهات نەبێ ، بەرتاشینە ئەبێ خۆت فێر ببیت. 
* بەوەدا بزانە تەخطیط زۆر موهیمە کەر دەکات بە زێبرا.  
*  بەڕاستی زەحمەتە ، پیاو نازانێ بۆ حاڵی خۆی بگری یان بەوەزعەکە پێ بکەنێت؟  
* ماشەڵا گۆڕان وەکو سویسرای لێ هاتووە، دنیا ئاو بیبات عیلاقەی پێوە نی یە . 
* مودیرەکەمان پێی وتم قسەکەت لە جێی خۆيدایە، عەینەن ئەیڕەقیب بە دەنگی سەمیرە تۆفیق.  
* هەر دەمگوت خوایە بۆچیی دەمێکە گوێم لە  جنێوی تازەنەبووە ، تومەز موشکیلەکان کۆنن بۆیە.     
*وتم سودانی نیازی وایە تەواوی کێشەکان چارەسەر بکات وتی مەگەر بە فۆتۆشۆپ.  
*کە سەیری وەزعەکە ئەکەیت  ڕێک ئەڵێی وانەی وەرزشە و کراوە بە  فیزیا. 
* -دکتۆر بڕوام بەهیچ نەماوە نازانم چیمە ؟ 
+ هەقتە   
* دوور لە ڕووی حازری و پەرژیێکی قایم بێ ، تائێستا وام ئەزانی پۆپۆلیست یەعنی ئەوەی خەیاڵ بدەیتەپۆپەکەی ، کەچی خراپتر  ، ئەوەیە کە خەڵکەکە هەرچییەکی فەرموو بڵێی وایە.