دكتۆر شێركۆ عەبدوڵا تایبەت بە (درەو)

زۆر قسە و مەوقیف و شتی وا هەن کە ئینسان ئەگەر ئاگای لەخۆی نەبێ ئەیخەنە پاقلەکەوە . خراپترینیان وشەی بێلایەنە، ئەم مردوو مراوە  نە ئەسڵی هەیە و نەئەساس کەچی دەستی ئەنواع و ئەشکال زەلام و حیزب و تاقم و میلەت ودەوڵەتی کردووە بە زاخدا. سوکرات لە تاقیکردنەوەیەکی تیۆریدا   بۆ بەشی جیۆلۆجی کە  ١٦ خوێندکار و ٨٦پڕۆفیسۆر و ئوستازی پارلێڵ  و دژەپارلێلی لە گەچ ، عەفوو لە خۆ گرتووە ئیسپاتی کرد بۆ عالەمی سەر ڕووی زەمین کەلە نەوتەوە تا جەوت و لە عەرشەوە تا قورش و لە ئێرانەوە تا توران شتێک نابینی بێ لایەن  بێ . بیلامەعنا هەر دەعبایەکدەستی بۆ ئەبەی ئیللا و بیللا سەر بە جەماعەتێکە و بەلای جیهەتێکا دایئەشکێنێ و بە مەوزوعێکی دیاریکراو تووشیقبوزییەتی مەزاج ئەبێ.  لایەنبازی کە تەئریخیەن زۆر لە مێبازیی کۆنترە، چەقیوە بە زمان و دەربڕینەکانیشماندا . یەعنی بە جۆری زاراوە و دەستەواژەکە تێ ئەگەی کابرای فاعیل مەدحی مەفعولوبیهییەکە ئەکات یان تیرو توانجی تێئەگرێ. فەرمون ئەمەش بەڵگە 
  ستایش؛ سەرو سیما  
 زەم :سەرو فەساڵ
 سەرسامی ؛چاو وبرۆ        
 تەعلیق :چڕو چاو
حەز:کەمەر و ناوقەد  
 بێز؛گەڵ و گیپاڵ
 شاعیر:پاو و پووز    
 قەساب؛ قاچ و قول
 ئیعجاب:دەم و لێو    
 ڕق:دەم و فڵق
 زەوقن:گەردن     
 ناحەز؛گێپەڕەی مل
   دەزگیران:کەڵەگەت  
 دش؛درێژ داهۆل
  شارستانی ؛کوڵم   
   خۆمانە؛گوپ 
 ڕێز؛شان و شەوکەت  
   گاڵتەپێکردن؛ قەڵافەت
 ژیلوان؛ڕیش پڕۆڤیسۆری  
 ئەوڕەحیم؛ڕیش سابرێنی
 ئەوەی ئێمە ؛تەکەتول   
 هینەکەی ئەوان ؛گەلەکۆمەکێ
  ئەمڕۆیی؛بێ سمێڵ   
 کۆنە پەرست؛ دەم ڕووت