دكتۆر شێركۆ عەبدوڵا تایبەت بە (درەو)

 
ئەژنۆ شکاو
تەزبیح پچڕاو
حەیات فەتاو
بەیانیت باش 
ئەی وڵاتی 
لەنگە و زیل و عەلوەی سوتاو
** 
تەمەنێک هەر بەڕێوە بووین  
گەیشتینەوە شوێنی جاران  
ئەو دیوارانەمان ڕوخاند  
بەبلۆک دروست کرابون 
گۆڕیمان بە بەردی حەلان 
**  
بە شیعرێک ئەگەشێتەوە 
بە شیعرێکی تر پەژموردە 
دڵ چەند ساویلکەیە خوایە
 بێ هیچ ئەملا و لایەک کوردە 
** 
سیاسەت و بازرگانی 
هەر یەک شتن  
نەوەک دوو بابەتی جودا 
هەرێم خۆ دایکت نی یە 
کە بتسپێرێ بە خودا  
ئەوپەڕەکەی 
تەسلیمی ئەنقەرەت دەکات  
یاخو ئەتداتە دەست بەغدا 
** 
دوو نیگا تێکەڵی یەک بن 
دەبنە باوەش 
ئیعلام کە ڕێزی خۆی نەگرێ 
ئیعلامە یان لۆتی و چاوەش ؟