دكتۆر شێركۆ عەبدوڵا تایبەت بە (درەو)

*ئەگەر دووهەم پێک لەباتی دەرمانخوارد وتت خەرماندوارد مەعنای وایە عارەقەکەی باشە. 
* دەمەوێ واز لەبزووتنەوە بێنم  بەس موشکیلەکە ئەوەیە هێشتا وەرنەگیراوم.
*چاوەڕوانیی ئایندەی باش لەم عێراقە وەک ئەوە وایە بەلوعە گەرمەکەت کردبێتەوە و بەدیارییەوە بوەستی ئاوەکە سارد ببێتەوە.
 *لە چوارینەکانی خەیام خەماویتر ئەم چوارینەیەی هەریامە: شەممە، یانزەی پێش نیوەڕۆ ، هاوین ، شەلاعی نانەواخانە. 
*بە قەناعەتی ئینگلیز ئەگەر مراخانی بە زنجیر دابخرایە کورد دەمێک بوو دەوڵەت بوو. 
* دەوڵەتداری کتێبێکی هەشت بەرگی یە ئەمەی ئێمە مەلزەمەیەکی شانزە لاپەڕەییە.
 *بەڵگەی زانستیم لا نی یە بەڵام تەواو دڵنیام پەڕلەمان دابخرێ ئەم خۆڵبارینەمان لەکۆڵ ئەبێتەوە.
 *وتم باوکم شەست و ئەوەندە ساڵە پێشمەرگەیە وتی دیارە بە تمەن حسابت کردوە. 
*ئیسپانەی جۆکەریشی ناگاتێ ، ماجستێری لە زماندا هەیە دەرسی فەلسەفە ئەڵێتەوە و شارەزای هەواڵگرییشە و لەدەعوەتیشدا باوەشێنکردنی مقەڵییەکە عایدی خۆیەتی.
 *لە وڵاتێکدا ئەژین ئەگەر ئەرزی بەلەدێت داگیر نەکردبێ  حەتمەن بەلەدێ ئەرزی تۆی داگیر کردووە