شیعر و میعر

2022-08-09 20:38:49



دكتۆر شێركۆ عەبدوڵا تایبەت بە (درەو)

بۆ براکانت بگەڕێ 
کە دائیم و دەرهەم دژن
بۆ دڵ گەڕام 
ئەوەی ژنی لەسەر ئەکوژن
**
ئەقڵ ئەچەقێ و تەمەن ئەڕوات
بازاڕی ڕۆژی عارفەیە
زەلام لە زەلام تێ ناگات
باسی مارکسم بۆ بکە
تا نۆکاوەکە پێ ئەگات
**
بۆ ماتۆڕی تەباییمان
تۆ زەروریت وەکو سلف
قسەت پڕە لە حیکمەت و
لە تەجروبە
بەڵام حەیفێ
دەموچاومان ئەکەی بەتف
**
-چارەنووسم لەم وڵاتە 
وەک  چەڵتوکی عەرزی دێمە
تێ ناگەم بۆ 
خەڵک هێندە بێزارن و 
ڕقیان لێمە
+ کێی بە قوربان؟
-ژ..ژژژژ
+دەنگ هەڵبڕە
-ژیان …ژیان
*
هەندێک شاعیر 
تا نەمرێ لە دایک نابێ
ئە عێراقەش ئەگەر ڕوخا
ئەگەری هەیە ئاوابێ 

بابه‌تی په‌یوه‌ندیدار

لەگەڵ ئەوەیت هەرێمی كوردستان نەوت رادەستی بەغداد بكات؟

بەڵێ
نەخێر
مافی به‌رهه‌مه‌كان پارێزراوه‌ بۆ دره‌و
Developed by Smarthand