وەک ئەوسا

2022-07-31 07:39:24



دكتۆر شێركۆ عەبدوڵا تایبەت بە (درەو)

دیموکراسیی بێ کلک و گوێ  
لە داخی تۆ بڕۆین بۆ کوێ؟
عێراق بەنزین تۆ شقارتە 
کەرێتیت کردوە بە گاڵتە  
مارمێلکە چۆن باڵ تێ ئەگات ؟
بلور بدەیتە دەست چەکوش  
چی لێ ئەکات ؟ 
لەپای چی ئەم پەلە پەلە؟
ئێمە شەمشەمە کوێرەین و 
تۆ هاتوی فوولمان تێ ئەگری  
چاک کردوتین بە مەهزەلە  
هەی سەرسەری 
وڵاتێ موقتەدای تیا بێ  
خەمیس خەنجەر  
جێگری نوری پاشا بێ  
گفتوگۆ بە کاتیۆشا بێ 
ئیتر پشکەشی کێی ئەکەی  
دەنگی نەسازی ئەم بەندە؟ 
پەڕلەمان کیلۆی بە چەندە ؟  
ئەم چەندین ساڵە تۆ چیت کرد؟ 
تەنیا و تەنیا 
سەری مەنهۆڵەکەت لابرد 
تۆ و سەرمایەداریی سەگن
  دوو سەیارەن 
گێڕەکانتان هەمووی بەگن  
پیاو بە لە کۆڵمان بەرەوە 
دەستی وەستاکەت ماچ ئەکەین  
وەک ئەوسامان لێ کەرەوە

سڵاو سڵاو لە دیکتاتۆر
لە ڕووی ئاشکرای زوڵم و زۆر
تۆ سەلماندت
کە تاقە گورگێکی شەریف 
زۆر چاکترە 
لە کۆمەڵێ ڕێوی سەخیف

بابه‌تی په‌یوه‌ندیدار

لەگەڵ ئەوەیت هەرێمی كوردستان نەوت رادەستی بەغداد بكات؟

بەڵێ
نەخێر
مافی به‌رهه‌مه‌كان پارێزراوه‌ بۆ دره‌و
Developed by Smarthand