دكتۆر شێركۆ عەبدوڵا (تایبەت بە درەو) 

-چۆن ئەزانی پورە سروە ئەمساڵ مناڵی نابێ؟
+ئاخر ئەیگو ئەگەر مناڵم ببێ ناوی ئەنێم باران.
***
-چۆن ئەزانی عەرەبن؟
+چونکە هەموو ڕۆژێ لە ماجدی مۆڵن.
**
-چۆن ئەزانی ئێرە کوردستانە؟
+چونکە یەک کارخانەی تیا نییە بەڵام پڕە لە کارخانەچی.
***
-چۆن ئەزانی کەبابەکەی خراپە؟
+ لەبەر ئەوەی کەبابچی باش نابێ زەعیف بێ.
***
-چۆن ئەزانی دەستیان لە مەوزوعەکە شۆردووە؟
+قوربان گیان چونکە لیجنەیان بۆ داناوە.
***
-چۆن ئەزانی کوردە؟
+چونکە موشکیلە بە موشکیلە حەل ئەکات.
***
-چۆن ئەزانی ئێستا ساڵی دوو هەزار و بیست ودووە؟
+چونکە لە دووهەزار و بیست ویەک زۆر ناخۆشترە.