هەر وا بووەو هەر وا ئەبێ
بڵاوکراوەتەوە لە : 24 شوبات 2022
نوسینی:
قەبارەی دەقەکان
قەبارەی دەقەکان
بڵاوکراوەتەوە لە : 24 شوبات 2022
نوسینی:
قەبارەی دەقەکان
قەبارەی دەقەکان
دكتۆر شێركۆ عەبدوڵا (تایبەت بە درەو)
هەر وا بووە و هەر وا ئەبێ
دەردمان بەبێ دەوائەبێ
چۆغەمان پەکین ئەیدورێ
تی شێرت لە جێی کەوائەبێ
*
موختارئەبێ بەئەنجومەن
گەعدەبازیش بە هونەرمەن
گەڕەک ئەگۆڕین بە سیتی
سینگڵیش بەمەعنای ڕەبەن
**
مراخانی نیوقۆڵ ئەبن
سەرکزەکانمان زۆڵ ئەبن
وڵات ئەکەن بەکافتیریاو
کتێبخانەکان چۆڵ ئەبن
**
خۆزگە ئەخۆین بەڕابوردوو
سک قۆڕەی دێت ودەست ماندوو
شەو و ڕۆژ ڕاکەڕاکمانە
بە دوای کڵاوی بابردوو
**
ئەبڵەق شۆکە و های سڵاوە
سەگ هاوڕێ و خزم گڵاوە
ئەقڵ وحیزبایەتی تەسکن
ڕیزیشمان پەرش و بڵاوە
**
دارا توو تری سین ئەکا
کەس ناژی ،ئەڵێن ژین ئەکا
حەزلێکردووی ئەمڕۆ کەپڵە
شیرین لە جیم تەمرین ئەکا
**
بەڕواڵەت دانی مارین
لەجەوهەر بێ دار و بارین
کەس لە قسەمان تێ ناگات
هەمووشمان ڕاگەیەندکارین
**
کوردە هێشتاکە لە کوێتە
ئەمە تەنیا هەر خوێی چێشتە
گۆڕ هەڵ تەکێنە پیرەمێرد
داوا ئێستاکە ڕیکوێستە
**
تەکنەلۆجیا و زمانقڕان
بەم سی ساڵە خۆمان تڕان
وتمان قەینا سەقەتی کەن
بەڵام حکومەت ، نەک زمان
